Dec 26, 2011

பதிவை பப்ளிஷ் செய்வதற்கு முன் கவனிக்க வேண்டிய முக்கியமான விஷயங்கள்

இணையதளங்களின் எண்ணிக்கை அபரிமிதமாக வளர்ச்சி அடைந்து கொண்டு உள்ளது. இலவச பிளாக்கர் தளங்களில் இருந்து அடுத்த கட்டமாக தங்கள் வலைப்பூக்களுக்கு தனி டொமைன் பெயரை வாங்கி உபயோகிக்கும் எண்ணம் பலரிடம் வந்துள்ளது. தங்கள் கருத்துகளையும் சமூக அவலங்களையும் பதிவர்கள் தங்களுக்கே உரித்தான பாணியில் அழகாக முன்னெடுத்து வைக்கின்றனர். பதிவர்கள் பதிவு எழுதி முடிந்ததும் தங்கள் பப்ளிஷ் செய்வதற்கு முன் பல விஷயங்கள் உங்கள் பதிவில் சரியாக இருக்கிறதா என சோதிக்க வேண்டும். அப்படி சோதிக்க வேண்டிய முக்கியமான விஷயங்கள் என்னென்ன என்று இங்கு காண்போம்.

1. பதிவை டைப் செய்த பிறகு மீண்டும் வாசித்தீர்களா?
நம்முடைய எல்லோருக்கும் நேரம் என்பது பெரிய பிரச்சினையா உள்ளது. நமக்கு கிடைக்கும் கொஞ்ச நேரத்தில் அவசரமாக பதிவு எழுதினாலும், நாம் பதிவு எழுதி முடித்தவுடன் மீண்டும் முதலில் இருந்து வாசிக்க வேண்டும். அவசரத்தில் ஏதேனும் வரியை விட்டிருக்கலாம், அல்லது ஒரே வரியை இரண்டு முறை முறை டைப் செய்து இருக்கலாம், ஏதேனும் ஒரு இடத்தில் வாக்கியங்கள் மாறுபட்டுட்டு இருக்கலாம், அல்லது ஏதேனும் பத்தியை முடிக்காமல் அடுத்த பத்திக்கு தாவி இருக்கலாம் இது போன்ற பிழைகளை கண்டறிய பதிவை முடித்த பின் ஒரு முறை படிப்பது சிறந்தது.
2.பதிவிற்கான படங்கள் சேர்க்கப்பட்டுள்ளதா?
ஒரு படம் ஆயிரம் வார்த்தைகளுக்கு சமம் என்ற பொன்மொழிக்கு ஏற்ப ஒரு பதிவில் நாம் கூற வரும் விஷயம் வாசகர்களிடையே எளிதாக சென்று சேர படங்கள் என்பது இன்றியமையாத ஒன்று. அல்லது பதவில் நகைச்சுவைக்காகவும், வாசகர்களை கவரும் விதமாகவும் பல விட படங்களை பதிவில் இணைக்கிறோம். பதிவை டைப் செய்து முடித்தவுடன் அதற்க்கான படங்களை சேர்த்து விட்டோமா, சேர்த்துள்ள படங்கள் அனைத்தும் சரியான இடத்தில் உள்ளதா என சோதித்து கொள்வது நல்லது.
3) லிங்க் சரி பார்த்தல்:
ஒரு பதிவில் ஏதேனும் இணைய தளங்களுக்கு லிங்க் கொடுப்பதாக இருந்தாலோ அல்லது உங்களுடைய முந்தைய பதிவிற்கு லிங்க் கொடுப்பதாக இருந்தாலோ பதிவை முடித்த பின் லிங்க் கொடுத்து விட்டோமா என சோதித்து கொள்வது நல்லது. அது மட்டுமில்லாமல் நீங்கள் கொடுத்த லிங்க் சரியாக இயங்குகிறதா, கிளிக் செய்தால் சரியான இடத்திற்கு செல்கிறதா என சோதித்து கொள்ளவும்.
4) பிழை சரிபார்த்தல்:
சமீபத்தில் இந்த எழுத்து பிழையால் பதிவுலகில் பெறும் பிரச்சினை ஆனதை அனைவரும் அறிவோம். பதிவில் எழுத்துப்பிழை ஏற்படுவது இயல்பு தான். எழுத்துப்பிழை இல்லாமல் எழுதுவது மிகவும் அரிது ஆனால் பதிவை முடித்தவுடன் மீண்டும் வாசிப்பதால் நாம் தவற விட்ட எழுத்துப்பிழைகளை கணிசமாக குறைக்க முடியும். எழுத்துப்பிழையை குறைத்தால் வாசகர்களுக்கும் நம் பதிவு சுலபமாக புரியும். முடிந்த அளவு எழுத்துப்பிழையை குறைத்து கொள்வது நல்லது.
5) PREVIEW பார்த்தல்:
பிளாக்கரில் PREVIEW என்ற ஒரு வசதி உள்ளது. Publish பட்டனுக்கு அருகிலேயே இந்த PREVIEW பட்டனையும் கொடுத்து இருப்பார்கள். அந்த PREVIEW பட்டனை கிளிக் செய்தால் உங்களுடைய பதிவு பப்ளிஷ் செய்யப்பட்ட பிறகு வலைப்பூவில் எப்படி தெரியும் என முன் கூட்டியே பார்த்து கொள்ளலாம்.  பதிவர்கள் பப்ளிஷ் செய்வதற்கு முன் இந்த வசதியை கண்டிப்பாக பார்க்க வேண்டும்.
6) தலைப்பு சரிபார்த்தல்:
பதிவு மட்டுமல்ல எல்லாத்துக்குமே தலைப்பு ரொம்ப முக்கியம். ஒரு பதிவின் தலைப்பு என்பது பதிவிற்கு சம்பந்தமாகவும் அதே சமயம் வாசகர்களை கவரக்கூடியதாகவும் இருக்க வேண்டும். பதிவின் தலைப்பை முடிந்த அளவு சிறியதாக வைக்க வேண்டும் ஆனால் பதிவின் பொருள் மாறிவிடக்கூடாது. பதிவிற்கு சம்பந்தமாக தலைப்பு வைப்பதால் தேடியந்திரங்கள் மூலம் வரும் வாசகர்களுக்கு சரியான பதிவை அடையாளம் கண்டறிந்து வர உதவும்.
7) ஹிட்ஸ் கிடைக்க ஏற்ற நேரமா என சோதித்தல்:
தரமான பதிவுகள் எந்த நேரத்தில் வெளியிட்டாலும் அதிக வாசகர்களை கவரும் என்பதை முதலில் சொல்லி விடுகிறேன். ஒரு பதிவர் தான் வெளியிடும் பதிவு பெரும்பாலான வாசகர்களுக்கு சென்று சேர வேண்டும் என நினைப்பார். நிறைய பேருக்கு போய் சேர வேண்டும் என மனதில் நினைத்து கொண்டு இரவு 12 மணிக்கு(பேய் வரும் நேரத்தில்) பதிவு போட்டால் யார் படிப்பார்கள். காலைக்குள் உங்கள் பதிவுகள் திரட்டிகளில் பின்னுக்கு தள்ளப்பட்டு விடும். ஆகையால் பதிவை வெளியிடும் பொழுது தக்க நேரத்தில் வெளியிடவும்.
8) Schedule போஸ்ட் என்றால்:
உங்களுடைய பதிவை Schedule செய்து குறிப்பிட்ட நேரத்தில் தானாகவே பப்ளிஷ் ஆகும் படி வைக்க எண்ணினால் பப்ளிஷ் செய்வதற்கு முன் நேரத்தை தேர்வு செய்து விட்டீர்களா என சோதித்து கொள்ளவும். நேரத்தை தேர்வு செய்யாமல் பப்ளிஷ் பட்டனை அழுத்தினால் எப்பொழுதும் போல பப்ளிஷ் ஆகிவிடும். ஆகையால் பதிவை பப்ளிஷ் செய்வதற்கு முன் இதை சோதித்து கொள்வது நல்லது. 

ஒவ்வொரு பதிவை பப்ளிஷ் செய்வதற்கு முன்னரும் இந்த விஷயங்களை சரிபார்த்து பிறகு பப்ளிஷ் செய்யவும். 

இன்டர்நெட் இல்லாமல் பேஸ்புக்கை SMS மூலம் உபயோகிக்க

வளர்ந்து விட்ட தொழில் நுட்பத்தில் எல்லாமே சுலபமாகி விட்டது. பிரபல சமூக தளமான பேஸ்புக் தளத்தில் பல எண்ணற்ற வசதிகள் கொடுத்துள்ளனர். அதில் ஒரு முக்கியமான வசதியாக கணினி இல்லாமல் இன்டர்நெட் இணைப்பு இல்லாமல் மொபைல் SMS வழியாக பேஸ்புக்கை உபயோகிப்பது எப்படி என இங்கு பார்க்க போகிறோம். நாம் முந்தைய பதிவில் ட்விட்டரை எப்படிSMS மூலம் உபயோகிப்பது என பார்த்தோம் இன்று பேஸ்புக்கை SMS மூலம் உபயோகிப்பது எப்படி என பார்க்க போகிறோம்.

இதற்க்கு முதலில் உங்கள் மொபைல் எண்ணை பேஸ்புக்கில் பதிவு செய்ய வேண்டும். நீங்கள் ஏற்க்கனவே பதிவு செய்திருந்தால் எப்படி உபயோகிப்பது என கீழே பாருங்கள். பதிவு செய்யாதவர்கள் தொடருங்கள்.


மொபைல் எண்ணை பதிவு செய்வது எப்படி:
  • முதலில் உங்களின் பேஸ்புக் கணக்கில் நுழைந்து கொள்ளுங்கள். அதில் Account Settings பகுதிக்கு செல்லுங்கள்.
  • அடுத்து உங்களுக்கு இன்னொரு விண்டோ திறக்கும் அதில் Mobile என்பதை கிளிக் செய்யுங்கள்.
  • பிறகு வரும் விண்டோவில் Add a Phone என்ற பட்டனை கிளிக் செய்யவும். அடுத்து கீழே இருப்பதை போல விண்டோ ஓபன் ஆகும். 

  • முதலில் நீங்கள் வசிக்கும் நாட்டினை தேர்வு செய்து கொண்டு அடுத்து கீழே உள்ளதி உங்கள் மொபைலின் Service Provider தேர்வு செய்து கொள்ளுங்கள். 
  • ஒருவேளை உங்களுடைய Service Provider அந்த பட்டியலில் இல்லை என்றால் Other Carrier என்பதை தேர்வு செய்து கொள்ளுங்கள். 
  • Next பட்டனை அழுத்தவும். இன்னொரு விண்டோ திறக்கும். 
  • இப்பொழுது உங்கள் மொபைல் போனில் F என டைப் செய்து அங்கு கொடுத்திருக்கும் எண்ணுக்கு SMS அனுப்புங்கள். (ஒவ்வொரு நாட்டிற்கும் மொபைல் எண் வேறுபடும்)
  • நீங்கள் SMS அனுப்பிய உடனே உங்களுக்கு ஒரு பதில் SMS வரும் அதில் உள்ள  Confirmation code குறித்து கொண்டு இங்கு கொடுக்கப்பட்டிருக்கும் கட்டத்தில் கொடுக்கும். 
  • மற்றும் உங்களுடைய மொபைல் எண் மற்றவர்களுக்கு தெரிய கூடாது என்றால் Share my mobile number with my friends என்பதில் உள்ள டிக் மார்க் நீக்கி விட்டு Next பட்டனை அழுத்தவும். 
  • அவ்வளவு தான் உங்களின் மொபைல் எண் பேஸ்புக்கில் பதிவு செய்யப்பட்டு விடும். மற்றும் அதில் உள்ள settings உங்களுக்கு தேவையான படி மாற்றி வைத்து கொள்ளுங்கள். 
இனி நீங்கள் பதிவு செய்யப்பட மொபைல் SMS வழியே பேஸ்புக்கை உபயோகிக்கலாம். எப்படி உபயோகிப்பது என அறிய கீழே பாருங்கள். 

SMS வழியாக பேஸ்புக்கை உபயோகிக்கும் முறை:

மொபைல் SMS மூலம் உபயோகிக்க கீழே உள்ள முறைகளை பயன்படுத்தவும். சற்று முன் நான் SMS மூலம் சோதித்து பார்த்த அப்டேட் கீழே 


பேஸ்புக் சுவரில் எழுத சாதரணமாக SMS டைப் பண்ணி முன்பு குறிப்பிட்ட எண்ணுக்கு அனுப்பினால் போதும் சுவரில் அப்டேட் ஆகிவிடும். 

புதிய நண்பரை சேர்க்க - add your friend name
Subcribe செய்ய - Subscribe your friend name

மேலும் விவரமாக அறிய கீழே உள்ள படத்தை பாருங்கள். 


இதில் உள்ள அனைத்து கட்டளைகளையும் SMS மூலமாக செய்து விடலாம்.

சேவாக்,டோனி உட்பட 16 இந்திய கிரிக்கெட் வீரர்கள் தற்பொழுது கூகுள் பிளசில்

கூகுள் நிறுவனம் தனது புதிய சமூக தளமான கூகுள் பிளசை வெற்றி பாதையில் அழைத்து செல்ல பலமுயற்சிகளை கையாண்டு வருகிறது. குறிப்பாக இந்திய வாசகர்களை கவர்வதில் அதிக கவனம் கொடுத்து வருகிறது. முதல் கட்டமாக இந்தி பட உலகின் சூப்பர் ஸ்டார் ஷாருக் கான் கூகுள் பிளசில் இணைத்தது. இந்தியர்கள் கிரிக்கெட்டின் தீவிர ரசிகர்கள் என்பது உலகமறிந்த உண்மை இது கூகுளுக்கு தெரியாதா என்ன? இப்பொழுது தனது அடுத்த கட்டமாக இந்திய கிரிக்கெட் வீரர்களை கூகுள் பிளசில் இணைய வைத்துள்ளது கூகுள் நிறுவனம்.


இவர்கள் சேர்ந்துவிட்டால் இவர்களின் ரசிகர்களும் புதிய அறிவிப்புகளை கான கூகுள் பிளசில் இணைந்து கொள்வார்கள் என்ற நம்பிக்கையில் இந்த நடவடிக்கையை எடுத்துள்ளது. நேற்று சேவாக் hangout ல் பங்கு கொண்டு வாசகர்களிடம் நேரடியாக பேசி யுள்ளார்.

இதில் சேவாக்,டோனி,கம்பீர் உட்பட 16 இந்திய கிரிக்கெட் வீரர்கள் உறுப்பினர்களாகி உள்ளனர். கீழே உள்ள லிங்க்குகளில் சென்று  உங்களுக்கு பிடித்த வீரரை உங்கள் வட்டத்தில் சேர்த்து கொள்ளுங்கள்.


  1. Virender Sehwag
  2. MS Dhoni
  3. Gambhir
  4. Harbhajan
  5. Ishant Sharma
  6. Sreesanth
  7. Murali Kartik
  8. Amit Mishra
  9. Manoj Tiwary
  10. Umesh Yadav
  11. Iqbal Abdullah
  12. Sudeep Tyagi
  13. Ashoke Dinda
  14. Varun Aaron
  15. Sarbjeet Ladda
  16. RP Singh
கிரிக்கெட் உலகின் கடவுள் என வர்ணிக்கப்படும் மாஸ்டர் பேட்ஸ்மேன் சச்சின் டெண்டுல்கர் இன்னும் கூகுள் பிளசில் இணையவில்லை. கூடிய விரைவில் இவரும் கூகுள் பிளசில் இணைந்து தனது கருத்துக்களை பகிர்ந்து கொள்வார் என நினைக்கிறேன்.

கணினி திரையை சுலபமாகவும் அழகாகவும் Screen Shot எடுக்க

நாம் நம்முடைய பதிவில் சில விஷயங்களை வாசகர்களுக்கு எளிதாக புரிய வைக்கவும் அல்லது சில விஷயங்களை வாசகர்களோடு பகிர்ந்து கொள்ளவும் அந்த பக்கத்தை ஸ்க்ரீன் ஷாட் எடுத்து நம் பதிவில் இணைப்போம். பொதுவாக நாம் ஸ்க்ரீன் ஷாட் எடுக்க Ms Paint, picasa போன்ற மென்பொருட்களை பயன் படுத்துகிறோம். ஆனால் இதில் சில அடிப்படை வசதிகளை மட்டுமே செய்ய முடியும். ஆகவே இதற்காவே பிரத்யோகமாக தயாரிக்கப்பட்ட மென்பொருட்களை பயன்படுத்தினால் மட்டுமே அனைத்து வசதிகளையும் நாம் செய்ய முடியும். இதற்கு நிறைய மென்பொருட்கள் இருந்தாலும் இன்று நாம் பார்க்கும் PicPick என்ற மென்பொருள் மிகவும் பயனுள்ளதாக உள்ளது.

இதில் உள்ள அனைத்து வசதிகளையும் சொல்ல வேண்டுமானால் இந்த பதிவு போதாது. ஆகையால் சில உங்கள் பார்வைக்கு.
  • நினைத்த பகுதியை ஸ்க்ரீன்ஷாட் எடுக்கும் வசதி.
  • நீங்கள் எடுக்கும் ஸ்க்ரீன்ஷாட் நேரடியாக Ms office மென்பொருட்களில் கொண்டு வரும் சூப்பர் வசதி. 
  • எடுக்கும் ஸ்க்ரீன் ஷாட்களை நேரடியாக இணையத்தில் அப்லோட் செய்து அதன் வெப் URL காணும் வசதி.
  • ஸ்க்ரீன்ஷாட்டை நேரடியாக சமூக தளங்களான ட்விட்டர்,பேஸ்புக் தளத்திற்கு தரவேற்றும் வசதி.
  • பக்கங்களை zoom செய்யும் வசதி.
  • இணையத்தில் நீங்கள் நினைக்கும் நிறத்தை பயன்படுத்தி கொள்ளும் Color Picker வசதி.
  • நீங்கள் பார்த்து கொண்டு இருக்கும் திரையிலேயே அப்படியே எழுதும் Whiteboard வசதி.
  • உருவாக்கும் ஸ்க்ரீன்ஷாட்டிர்க்கு பிரேம் போடும் வசதி. இன்னும் ஏராளமான வசதிகள் இதில் உள்ளன.
உபயோகிக்கும் முறை 
  • முதலில் கீழே உள்ள டவுன்லோட் பட்டனை அழுத்தி மென்பொருளை உங்கள் கணினியில் இன்ஸ்டால் செய்து கொள்ளுங்கள்.
  • இன்ஸ்டால் செய்து கொண்டதும் அந்த மென்பொருளை ஓபன் செய்து கொள்ளுங்கள்.
  • இப்பொழுது உங்கள் கணினியின் டாஸ்க்பாரில் அதற்க்கான ஐக்கான் வந்திருக்கும்.
  • இப்பொழுது நீங்கள் ஸ்க்ரீன்ஷாட் எடுக்கவேண்டிய பக்கத்தை திறந்து கொள்ளுங்கள்.
  • திறந்து கொண்டு உங்கள் கணினியில் டாஸ்க் பாரில் உள்ள picpick ஐக்கானை க்ளிக் செய்து அதில் Screen Capture சென்று அடுத்து உங்களுக்கு தேவையான வசதியை தேர்வு செய்து கொள்ளுங்கள்.
  • இல்லையேல் நம் கீபோர்டில் உள்ள Print Screen பட்டனை அழுத்தினால் அந்த பக்கம் முழுவதும் ஸ்க்ரீன் ஷாட் எடுக்கலாம். 
  • இது போல் கொடுத்தவுடன் அடுத்து உங்களுடைய ஸ்க்ரீன்ஷாட் நேராக இந்த மென்பொருளில் வந்திருக்கும் இதில் உங்களுக்கு தேவையான மாற்றங்கள் செய்து பின்னர் மேலே உள்ள Save என்ற பட்டனை அழுத்தி ஸ்க்ரீன்ஷாட்டை சேமித்து கொள்ளுங்கள்.





இது போன்று வித்தியாச வித்தியாசமாக நாம் ஸ்க்ரீன் ஷாட் உருவாக்கி கொள்ளலாம். இந்த மென்பொருளை டவுன்லோட் செய்ய கீழே உள்ள டவுன்லோட் பட்டனை அழுத்தவும்.

பிளாக்கரின் +1 பட்டனில் யார் ஓட்டு போட்டார்கள் என சுலபமாக அறிய

சிறந்த பதிவுகளை தரம்பிரிக்க கூகுள் சமீபத்தில் கொண்டுவந்த வசதி கூகுள் +1 ஓட்டு பட்டன் வசதி. இந்த பட்டனை வலைப்பூவில் நிறுவி அதில் அதிக ஓட்டுக்களை பெரும் பதிவுகள் கூகுளில் முதன்மை இடத்திற்கு வரும்படி செட்டிங்க்ஸ் செய்து இருந்தனர். இதனால் அனைவரும் அந்த பட்டனை நம் பிளாக்கில் பொருத்தி இருந்தோம். இப்பொழுது அந்த பட்டனில் ஒரு புதிய வசதியை அறிமுக படுத்தியுள்ளனர். அந்த பட்டனில் மீது உங்கள் கர்சரை வைத்தால் ஓட்டு போட்டவர்களின் விவரமும் அதில் தெரியும். இனி நீங்கள் உங்கள் பதிவுக்கு யார்யார் ஓட்டு போட்டார்கள் என்ற விவரத்தையும் அறிந்து கொள்ளலாம். 

முன்பு உங்கள் கர்சரை வைத்தால் இது போல வரும் 


இப்பொழுது உங்கள் கர்சரை பட்டன் மீது வைத்தால் 


  • மாற்றம் தெரிகிறதா நீங்களும் இந்த வசதியை உடனே பெற வேண்டுமா இது வெகு சுலபம். இந்த லிங்கில் Google+1 Preview செல்லுங்கள். 
  • உங்களுக்கு ஒரு விண்டோ ஓபன் ஆகும் அதில் உங்கள் +1 பட்டனுக்கான ஜிமெயில் ஐடியை கொடுத்து அருகில் உள்ள Sign me up என்ற பட்டனை அழுத்தவும். 
  • அடுத்து உங்களுக்கு இன்னொரு விண்டோ ஓபன் ஆகும். கூகுள்+1 பட்டனின் புதிய அப்டேட்கள் உங்கள் மெயிலுக்கு வர வேண்டாம் என நினைத்தால் No email என்பதை தேர்வு செய்து கீழே உள்ள join this group என்ற பட்டனை அழுத்தியவுடன் நீங்கள் அந்த பட்டியலில் சேர்ந்து விடுவீர்கள். 
  • புதிய வசதிகளும் உங்களுடையை +1 பட்டனில் சேர்ந்து விடும். இப்பொழுது உங்கள் பிளாகிற்கு சென்று +1 பட்டனின் மீது கர்சரை வைத்து கொள்ளுங்கள்.

Dec 25, 2011

பதிவர்கள் செய்யும் அடிப்படை தவறுகள் - புதியவர்களுக்காக

அனைத்து பதிவர்களும் ஆசைபடும் ஒரு விஷயம் நம் பதிவுகள் பிரபலமடைய வேண்டும் அதன் மூலம் நம் பிளாக் பிரபலமடைய வேண்டும் என்பதே. பிரபலமடைவது என்பது மிக சுலபமான காரியமே ஆனால் இதற்காக நீங்கள் கொஞ்சம் காத்திருக்க வேண்டும். பொதுவாக சில பதிவர்கள் அவர்களுக்கே தெரியாமல் சில அடிப்படை தவறுகளை செய்து கொண்டு உள்ளனர். அந்த தவறுகளை நீங்கள் தவிர்த்தல் உங்கள் பிளாக் பிரபலமடைவதை யாராலும் தடுக்க முடியாது.
Writting Same Subject
பதிவர்கள் சிலர் ஒரே வகைகளில் பதிவுகள் எழுது கின்றனர். உதாரணமாக கதை, கவிதை இது போல முடிந்தவரை ஒரே வகையான தலைப்புகளில் பதிவுகள் எழுதும் போது நம் வாசகர்களில் 50% பேர் அதனை படிக்க விரும்புவதில்லை. அதாவது நீங்கள் ஒரு கதை பதிவு போட்டால் கதையை சுருக்கி அன்றே அந்த கதையின் முடிவை தெரிவிக்கும் படி செய்யுங்கள். அதிக பட்சம் 2 வது பதிவில் முடித்து விடுங்கள். தினம் தினம் புது புது வாசகர்கள் நம் தளத்திற்கு வருவதால் இடையில் பார்த்தால் ஒன்றும் புரியாது அவர்கள் பழைய பதிவுகளை பார்க்கும் அளவிற்கு பொறுமை கொள்ள மாட்டார்கள்.
Not Using Pictures:
நீங்கள் பதிவு எழுதும் போது இடையிடையில் பதிவிற்கு சம்பந்தமான படங்களையோ அல்லது ஸ்க்ரீன் ஷாட் போடுவது மிகவும் நல்லது. அப்படி போடுவதால் நம் பதிவுகள் பார்த்தவுடன் வாசகர்களுக்கு புரியும் படிப்பதற்கும் சுலபமாக இருக்கும். இது மட்டுமில்லாமல் படங்களை சேர்ப்பதனால் நம் முழு பதிவே அழகாக காணப்படும். இதனால் புதியாதாக வருபவர்களுக்கு நம் தளத்தின் மீது நல்ல எண்ணம் வந்து திரும்பவும் அவர்களை வர வைக்கும். படங்களை சேர்ப்பதும் குறிப்பிட்ட அளவில் இருக்க வேண்டும். ஒரு பதிவுக்கு அதிகபட்சம் 4 படங்களை சேர்த்தல் போதுமானது.

Sub Headings
நாம் பதிவுகள் எழுதும் பொழுது பதிவுகளின் இடையே துணை தலைப்புகள் கொடுத்து எழுதினால் மிகவும் நன்று. இதனால் நம் பதிவுகள் மொத்தமாக இல்லாமல் தனி தனியாக பிரித்து காணப்படும். பார்ப்பதற்கும் படிப்பதற்கும் அழகாவும் சுலபமாகவும் இருக்கும்.

Making Paragraphs to Large
பதிவுகள் எழுதும் நாம் சொல்ல வரும் விசயத்தை மக்களுக்கு எளிதாக விளங்க வைக்க வேண்டுமெனில் ஒரே பதியாக இல்லாமல் சிறு சிறு பத்தியாக பிரித்து எழுதுவது சால சிறந்தது.

Adding More Widgets
உங்களுடைய பிளாக் அழகாக வைத்திருப்பது உங்கள் கடமை உண்மை தான் அதற்காக நீங்கள் இருக்கும் அனைத்து விட்ஜெட்டுக்களையும் பேனர்களையும் அனிமேஷன் படங்களையும் உங்கள் பிளாக்கில் போட்டு கொள்வதால் மட்டும் உங்கள் பிளாக் அழகாகாது. மாறாக உங்கள் பிளாக் திறக்கும் நேரம் தான் அதிகமாகும் இதனால் உங்களின் விலைமதிப்பில்லாத வாசகர்களை நீங்கள் இழக்க நேரிடும். ஆதலால் தேவையில்லாத விட்ஜெட்டுக்களை உங்கள் பிளாக்கில் இருந்து நீக்கி விடுங்கள். 

You Should Add This Widget
நீங்கள் உங்கள் பிளாக்கில் கண்டிப்பாக இந்த விட்ஜெட்டுக்களை சேர்த்திருக்க வேண்டும். ஏனென்றால் இதன் மூலம் உங்களின் பதிவுகள் பிரபலமடையும். 
Punctuality:
பதிவர்களே உங்களின் வாசகர்களை இழக்காதீர்கள் அதற்கு உங்கள் பதிவுகளை தினமும் வெளியிடுங்கள். குறைந்த பட்சம் வாரம் மூன்று பதிவுகளையாவது வெளியிடுங்கள். நீங்கள் பதிவிடும் நாட்களில் தவறாமல் பதிவை போட்டு விடுங்கள். இது உங்கள் பிளாக்கிற்கு வரும் வாசகர்களுக்கு ஏமாற்றத்தை அளிக்காமல் இருக்கும். 
Choose Right Template
நீங்கள் உங்கள் பிளாக்கின் டெம்ப்ளேட் தேர்வு செய்யும் போது பின்புறம் வெள்ளை நிறத்தில் உள்ள டெம்ப்ளேட் தேர்வு செய்ய வேண்டும். கருப்பு நிற டெம்ப்ளேட் மற்றும் பின்புறத்தில் படங்கள் இருக்கும் டெம்ப்ளேட் தேர்வு செய்ய வேண்டாம் .

உங்கள் தளம் ஓபன் ஆக அதிக நேரம் எடுத்து கொள்கிறதா?

உங்கள் தளம் ஓபன் ஆக அதிக நேரம் எடுத்து கொள்கிறதா? ஆம் என்றால் உங்களுக்கான பதிவு இது. நம்முடைய தளத்தை வேகமாக வைத்து கொள்வது நம்முடைய முக்கிய கடமையாகும். ஏனென்றால் நம் தளத்திற்கு வரும் வாசகர்கள் தளம் மெதுவாக இயங்கினால் அவர்கள் நம் தளத்தை விரும்ப மாட்டார்கள். அதனால் நம்முடைய வாசகர்களை நாம் இயக்க நேரிடும். இந்த குறையை தவிர்க்கவே இந்த பதிவு இதன் படி செய்தால் உங்கள் தளம் கண்டிப்பாக வேகமாக இயங்கும்.
STAGE -I
  • உங்கள் தளத்தில் உள்ள படத்தின் அளவை குறைக்கவும். வாசகர்கள் தேவையென்றால் பெரிது படுத்தி பார்த்து கொள்வார்கள்.
  • உங்கள் தளத்தில் ஏதேனும் Flashல் உருவான விட்ஜெட் இருந்தால் நீக்கி விடவும். இது லோடு ஆக அதிக நேரம் எடுத்து கொள்ளும்.
  • முடிந்த வரையில் பிலாக்கரின் default விட்ஜெட்டுகளை மட்டுமே பயன் படுத்துவது சிறந்தது.
  • உங்களுடைய தளத்தில் உள்ள அனைத்து விளம்பர பலகைகளையும் நீக்கி விடுங்கள். தேவையென்றால் புதியதாக சேர்த்து கொள்ளவும். 
  • உங்கள் தளத்தில் தேவையற்ற தற்போது உபயோகிக்காத விட்ஜெட்டுகளை கண்டறிந்து நீக்கி விடவும்.
  • உங்களுடைய முகப்பு பக்கத்தில் முழு பதிவும் தெரிவதற்கு பதில் ஒரு READMORE என்ற லிங்க் கொடுக்கலாம்.
STAGE- II
  • மேலே உள்ள மாற்றங்கள் செய்த பிறகும் உங்கள் தளம் மெதுவாக தான் இயங்கு கிறதா. 
  • எந்த விட்ஜெட் லோடு ஆக அதிக நேரம் எடுத்து கொள்கிறது என்று அறியமுடியவில்லையா கவலையை விடுங்கள் உங்களுக்கு ஒரு தளம் உள்ளது.
  • இந்த தளம் சென்றவுடன் உங்களுக்கு கீழே இருப்பதை போல விண்டோ வரும்.
  • இந்த தளத்திற்கு செல்ல லிங்க் - pingdom
  • அதில் கொடுக்க பட்டிருக்கும் காலி கட்டத்தில் உங்களுடைய தளத்தின் URL கொடுக்கவும்.
  • பிறகு அதற்கு அருகே உள்ள Test Now என்ற பட்டனை அழுத்தினால் உங்களுடைய தளம் உங்களுடைய தளம் ஸ்கேன் ஆகும்.
  • முடிவில் உங்களுக்கு கீழே இருப்பதை போல முடிவு வரும். 
  • இதில் உங்கள் தளத்தில் உள்ள அனைத்து HTML லிங்கும் ஸ்கேன் ஆகி வரும்.
  • ஒவ்வொரு லிங்கிற்கு நேராக மஞ்சள் மற்றும் பச்சை நிறங்கள் அடங்கிய பார்(bar) வரும். 
  • அதன் மீது நம் மவுசின் கர்சரை வைத்தால் அந்த விட்ஜெட் லோடு ஆக எவ்வளவு நேரம் ஆனது என்று வரும். 
  • இது போல் எந்த லிங்க் லோடு ஆக அதிக நேரம் எடுத்து கொள்கிறது என்று கண்டறிந்து அதை நம் தளத்தில் இருந்து நீக்கி விடவும். 
STAGE- III
  • இந்த வேலையை செய்வதற்கு இன்னொரு தளமும் உள்ளது. அந்த தளத்திருக்கு சென்றால் உங்களுக்கு கீழே உள்ளதை போல விண்டோ வரும்.
  • இதில் உங்களுடைய தளத்தின் முகவரி கொடுத்து அருகில் உள்ள START TEST என்ற பட்டனை கிளிக் செய்யவும்.
  • கிளிக் செய்தவுடன் உங்கள் தளம் ஸ்கேன் ஆகி உங்களுக்கு முடிவுகள் வரும். இதில் எந்தெந்த பகுதிகள் எவ்வளவுநேரம் எடுத்து கொண்டது என்ற செய்திகள் முடிவுகள் வரும் இதன் படி நம் தளங்களை மாற்றி அமைத்து கொள்ளலாம்.
  • இந்த தளம் செல்ல லிங்க் - Webpage Test

11/22/2011 உங்களின் பேஸ்புக் கணக்கு ஹாக் செய்யப்பட்டால் சுலபமாக மீட்க

சமூக வலைதளங்களில் அதிகமானோர் பயன்படுத்துவது பேஸ்புக் தளமாகும். சுமார் 700 மில்லியனுக்கும் அதிகமான பயனர் கணக்குகளை உள்ளடக்கிய மிகப்பெரிய இணையதளமாகும். பேஸ்புக் தளத்தின் அறிவிப்பின் படி ஒரு நாளைக்கு சராசரியாக 600,000 ஹாக்கிங் முயற்சிகள் நடக்கிறதாம். நீங்கள் எவ்வளவு கடினமான பாஸ்வேர்ட் வைத்திருந்தாலும் இப்பொழுது இருக்கும் தொழில்நுட்ப வளர்ச்சியில் சுலபமாக பாஸ்வேர்டை திருடி அக்கௌன்ட்டை முடக்கி விடுகின்றனர். அப்படி பேஸ்புக் கணக்கை முடக்கிவிட்டால் எப்படி மீட்பது என பார்ப்போம்.

  • இதற்க்கு பேஸ்புக்கில் ஒரு வசதி கொடுத்து உள்ளனர். அந்த வசதியின் மூலம் சுலபமாக ஹாக் செய்யப்பட அக்கௌன்ட்டை திரும்ப பெறலாம். நீங்கள் பேஸ்புக்கில் இருந்தால் signout கொடுத்து வெளியேறுங்கள். 
  • பிறகு இந்த லிங்கில் கிளிக் செய்யுங்கள் உங்களுக்கு கீழே இருப்பதை போல விண்டோ வரும். 
  • வரும் விண்டோவில் உள்ள My Account Is Compromised என்ற பட்டனை கிளிக் செய்யவும். உங்களுக்கு அடுத்த விண்டோ ஓபன் ஆகும். 
  • அந்த விண்டோவில் உங்கள் அக்கௌன்ட்டை திரும்ப பெற பல வசதிகள்(email, mobile number, friends name) இருக்கும். அதில் உங்களுக்கு எந்த வழியில் வேண்டுமோ அந்த வழியை தேர்வு செய்து கொள்ளுங்கள். (இங்கு எப்படி ஈமெயில் மூலம் மீட்பது என பார்ப்போம்).
  • ஈமெயில் ஐடியை கொடுத்த பின்னர் கீழே உள்ள Search என்ற பட்டனை அழுத்துங்கள். 
  • அடுத்து உங்களுக்கு இன்னொரு விண்டோ ஓபன் ஆகும். நீங்கள் கொடுத்த ஈமெயில் ஐடியில் உள்ள பேஸ்புக் கணக்கை காட்டும். 
  • உங்கள் கணக்கில் கடைசியாக இருந்த பாஸ்வேர்டை அந்த இடத்தில் கொடுக்கவும். 
  • பாஸ்வேர்டை கொடுத்தவுடன் கீழே உள்ள Continue என்ற பட்டனை அழுத்தவும்.
  • அடுத்த விண்டோ ஓபன் ஆகும் அதில் உள்ள Send Codes and Login to Gmail என்ற பட்டனை அழுத்தவும்.
  • உங்களுக்கு இன்னொரு Pop-up விண்டோ ஓபன் ஆகும். அதில் இந்த ஜிமெயிலின் ஐடி மற்றும் பாஸ்வேர்ட் கேட்கும் அதை சரியாக கொடுத்த பின்னர் ஜிமெயிலின் அனுமதி கேட்கும் அதில் Allow கொடுத்து விட்டால் போதும் உங்களுக்கு கீழே இருப்பதை போல விண்டோ வரும்.
  • இப்பொழுது புதிய பாஸ்வேர்டை தேர்வு செய்து கொண்டு கீழே உள்ள Change Password என்பதை கொடுத்து விட்டால் போதும் உங்களின் அக்கௌன்ட் திரும்ப பெறப்படும். 
இனி நீங்கள் உங்கள் பேஸ்புக் அக்கௌன்ட்டை எப்பொழுது போல உபயோகிக்கலாம்.

கூகுள் அட்சென்ஸ் போல WordPress தளத்தின் புதிய விளம்பர சேவை - Word Ads

அனைவருக்கும் கூகுள் அட்சென்ஸ் பற்றி தெரிந்திருக்கும். பெருமாளான பதிவர்கள் ஆன்லைனில் சம்பாதிக்கும் வசதியை இந்த கூகுள் அட்சென்ஸ் வழங்குகிறது. இணையத்தில் உள்ள வலைப்பூக்களை கூகுள் அட்சென்ஸ் இல்லாமல் பார்ப்பது அரிது. இப்பொழுது கூகுள் அட்சென்ஸ் போல Wordpress தளம் WordAds எனும் புதிய விளம்பர வசதியை அறிமுகப்படுத்தி உள்ளது. இந்த வசதியை Federated Media(FM) தளத்துடன் இணைந்து WordPress தளம் வழங்குகிறது.  இனி பதிவர்கள் இந்த WordAds விளம்பரத்தையும் தங்கள் வலைப்பூக்களில் போட்டு அதன் மூலம் கணிசமாக சம்பாதிக்கலாம்.

இந்த விளம்பர வசதியில் கலந்து கொள்ள சில தகுதிகளை வேர்ட்பிரஸ் தளம் நிர்ணயித்துள்ளது.

தகுதிகள்:

  • WordPress தளத்தின் வலைப்பூவாக இருக்க வேண்டும்.
  • அதுவும் Custom Domain(.com) வாங்கிய வலைப்பூக்களாக இருக்க வேண்டும்.
  •  மற்றும் Site Traffic, Site Content, language ஆகியவைகளை பொறுத்தே உங்கள் வலைப்பூவை அனுமதிப்பதாக தெரிவித்து உள்ளனர். 
இந்த தகுதிகள் உங்களுக்கு இருந்தால் இந்த லிங்கில் கிளிக் செய்து சென்று அவர்களின் அறிவிப்பை பாருங்கள். அப்படியே கீழே இருக்கும் படிவத்தை பூர்த்தி செய்து அவர்களுக்கு அனுப்புங்கள்.
(Custom Domain இருந்தால் தான் படிவமே திறக்கிறது. ஆகையால் எனக்கு அந்த படிவம் வரவில்லை)

அந்த படிவத்தை பூர்த்தி செய்து அனுப்பினால் அவர்கள் உங்கள் பிளாக்கின் தகுதியை பொறுத்து அனுமதி வழங்குவார்கள். 

வேர்ட்பிரஸ் தளங்களுக்கு மட்டும் வழங்குவதால் மற்ற வாசகர்களுக்கு ஏமாற்றம் தான். இது கூகிள் அட்சென்ஸ் உடன் எந்த விதத்திலும் போட்டி போட முடியாது.

இப்பொழுது தான் அறிமுகம் ஆகி உள்ளதால் மேலும் அதிகமான விவரங்கள் கிடைக்கவில்லை. விரைவில் அனைத்து தகவல்களுடன் பதிவு இடுகிறேன்.

மனித உடல் உறுப்புகள் செயல்படும் விதத்தை அனிமேஷன்களாக காட்டும் தளம்

வளர்ந்து விட்ட தொழில் நுட்பத்தில் இணையம் என்பது மிக முக்கியமானதாகி விட்டது. இணையதளங்களின் எண்ணிக்கையும் நாளுக்கு நாள் பெருகி கொண்டே உள்ளது.  மனித உடலில் பல்வேறு உறுப்புகள் இயந்திரம் போல் செயல் பட்டு கொண்டிருக்கிறது. இந்த உறுப்புகள் எப்படி செயல் படுகிறது என்பதை நாம் பாட நூல்களிலோ அல்லது வேறு ஏதேனும் நூல்களின் மூலமாகவோ படித்து இருப்போம். தற்பொழுது இந்த உடல் உறுப்புகள் எப்படி செயல் படுகிறது என்பது அனிமேஷனாக பார்க்கும் வசதியை ஒரு இணையதளம் வழங்குகிறது. இந்த தளத்தை கண்டிப்பாக உங்கள் பிள்ளைகளுக்கு அறிமுகம் படுத்தி வையுங்கள் கண்டிப்பாக அவர்களுக்கு மிகவும் பயனுள்ளதாகவும், இலகுவாக புரிந்து கொள்ளவும் ஏதுவாக இருக்கும்.

இந்த தளம் ஆங்கிலம் ஸ்பானிஷ் போன்ற இரு மொழிகளில் காணப்படுகிறது. இந்த லிங்கில் கிளிக் செய்து வரும் விண்டோவில் முதலில் மொழியை தேர்வு செய்து கொள்ளுங்கள்.


மொழியை தேர்வு செய்தவுடன் அடுத்து நீங்கள் எந்த உடல் உறுப்பை பற்றி தெரிந்து கொள்ள வேண்டுமோ அதை தேர்வு செய்து கொள்ளுங்கள். இப்பொழுது நீங்கள் தேர்வு செய்த உறுப்பின் அனிமேசனும் அந்த உறுப்பின் செயல் படும் விதமும் கொடுத்து இருப்பார்கள்.

இதில் நீங்கள் கர்சரை ஒவ்வொரு பகுதியாக நகர்த்தினால் அந்த பாகத்தின் பெயரும் அது என்ன வேலையை மேற்கொள்கிறது என்ற விவரங்களும் உங்களுக்கு காட்டப்படும். 

இப்படி ஒவ்வொரு உறுப்புகளாக தேர்வு செய்து நம் உடல் பாகத்தின் உறுப்புகளை பற்றி தெளிவாக அறிந்து கொள்ளலாம். பெற்றோர்கள் உங்கள் பிள்ளைகளுக்கு இந்த தளத்தை அறிமுகம் செய்து வையுங்கள் மிகவும் பயனுள்ளதாக இருக்கும். 

இந்த தளத்திற்கு செல்ல - http://medtropolis.com/

11/20/2011 பேஸ்புக் தளத்தை அதிகமாக யார்/எப்படி உபயோகிக்கிறார்கள்? [Infographic]

பேஸ்புக் மிகப்பெரிய சமூக இணையதளம். சுமார் 700 மில்லியன் பயனர்களை கொண்ட ஒரே மிகப்பெரிய தளம் பேஸ்புக். இணையத்தில் சமூக தளங்கள் உபயோகிப்பவர்களில் 57% பேர் பேஸ்புக் தளத்தை தான் உபயோகிக்கிறார்கள். இதற்கடுத்த நிலையில் ட்விட்டர்(37%), Linkedin(6%), Myspace(1%) போன்ற தளங்கள் உள்ளன. இந்த பேஸ்புக் தளத்தை யார் அதிகமாக உபயோகிக்கிறார்கள் எப்படி உபயோகப் படுத்துகிறார்கள் என்ற தகவல்களை கீழே பார்ப்போம். இந்த தகவல்களை JESS3 உருவாக்கி உள்ளது.

இந்த புள்ளிவிவரங்களின் படி:
  • 38 வயதில் உள்ளவர்கள் தான் அதிகமாக உபயோகிக்கிறார்கள். 
  • 26% பேர் மற்றவர்களின் போஸ்ட்டை Like செய்கிறார்கள்.
  • பேஸ்புக் உபயோகிப்பவர்களில் 22% பேர் 10 ஆம் வகுப்பிற்கும் கீழே படித்து கொண்டிருக்கும் மாணவர்கள்.
  •  ஒருவர் சராசரியாக 229 நண்பர்களை பெற்று இருக்கிறார்கள். இதில் 7% பேர் இதற்க்கு முன் தெரியாதவர்கள்.
மேலும் தகவல்களை அறிய கீழே உள்ள புகைப்படத்தை பாருங்கள்



ஆதர் அடையாள அட்டை(Aadhar Card) வாங்க ஆன்லைனில் Appointment பெறும் வசதி

இந்தியாவில் இருக்கும் அனைவருக்கும் UID(Unique Identification card) எனப்படும் அடையாள அட்டையை இந்திய அரசு வழங்கி கொண்டுள்ளது. இந்த அடையாள அட்டை UIDAI(Unique Identification Authority of India) என்ற அமைப்பின் மூலம் இந்திய அரசு தமிழ்நாடு உள்பட பல மாநிலங்களில் இந்த அடையாள அட்டையை வழங்கி வருகிறது. குறிப்பிட்ட சில தபால் நிலையங்களில் மட்டும் தான் இந்த அடையாள அட்டை வழங்கும் பணி நடைபெறுகிறது. ஒரு நாளைக்கு அதிகபட்சமாக 100 பேர் தான் ஒரு அலுவலகத்தில் பதிவு செய்ய முடியும்.


 மற்றவர்கள் திரும்பி செல்ல வேண்டியது தான். முதலில் செல்பவர்களுக்கே முன்னுரிமை என்பதால் அதிகாலையிலேயே சென்று இதற்க்காக லைனில் காத்து கொண்டிருக்க வேண்டிய சிரமம் உள்ளது. இதனை கருத்தில் கொண்டு UIDAI அமைப்பு ஆன்லைனில் Appointment வாங்கும் வசதியை கொண்டு வந்துள்ளது. ஆன்லைனில் Appointment வாங்கிவிட்டால் சரியான நேரத்திற்கு சென்று சுலபமாக ஆதர் அடையாள அட்டையை பதிவு செய்து விடலாம். இதற்க்காக மணிக்கணக்கில் லைனில் காத்து கொண்டிருக்க வேண்டிய அவசியமில்லை.


Appointment ஆன்லைனில் பதிவு செய்ய :
இதற்காக ஒரு http://appointments.uidai.gov.in/ இணையப்பகுதியை உருவாக்கி உள்ளது. 

தற்பொழுது சோதனை ஓட்டமாக இந்த வசதி குறிப்பிட்ட சில மாநிலங்கள் மற்றும் நகரங்களுக்கு(Delhi, Chandigarh, Maharashtra, Haryana, Himachal Pradesh, Punjab)  மட்டும் தான் வழங்கப்பட்டுள்ளது. கூடிய விரைவில் தமிழ்நாடு உள்பட அனைத்து மாநிலத்திற்கும் இந்த வசதி கிடைக்கும் என்பதில் சந்தேகம் இல்லை.

அந்த லிங்கில் சென்று அதில் கேட்கப்படும் முழுவிவரங்களை கொடுத்த பின்னர் Fix Appointment என்பதை அழுத்தினால் உங்களுக்கான நேரம் ஒதுக்கப்படும். உங்களுக்கு கீழே உள்ளதை போல விண்டோ வரும்.


உங்களுக்கு இது போன்று விண்டோ வரும் இதில் நீங்கள் எப்பொழுது யாரை பார்க்க வேண்டும் என்ற அனைத்து தகவல்களும் இருக்கும். இதை ஒரு Print எடுத்துக்கொண்டு அதனோடு உங்களின் ID Proof மற்றும் Address proof போன்றவைகளை எடுத்து கொண்டு குறிப்பிட்ட அதிகாரியை பார்த்து உங்கள் அடையாள அட்டையை பதிவு செய்து விடலாம். 

அடையாள சான்றிதழ்கள் என்னென்ன கொண்டு செல்லலாம்:
Id Proof மற்றும் Address Proof க்கு எவைகளை கொண்டு செல்ல வேண்டும் என்பதில் சிலருக்கு குழப்பம் உண்டாகலாம். அவர்கள் கீழே உள்ள பதத்தில் உள்ள சான்றிதழ்களில் ஏதேனும் ஒன்றினை கொண்டு செல்லலாம். 


ஆன்லைனில் Enrolment Form டவுன்லோட் செய்ய:
தபால் அலுவலகத்திற்கு சென்று படிவத்தை பூர்த்தி செய்வது தாமதமாகும் என்பர் எண்ணினால் இந்த லிங்கில் சென்று Enrolment Form டவுன்லோட் செய்து வீட்டில் இருந்தே பூர்த்தி செய்து கொண்டு சென்றால் வேலை மேலும் சுலபமாகிவிடும். 

வாங்கிய Appointment Cancel (or) நேரத்தை மாற்றி அமைக்க:
ஒருவேளை நீங்கள் Appointment வாங்கிய நேரத்தில் போக முடியவில்லை என்றால் தயவு செய்து உங்கள் Appointment Cancel செய்து விடுங்கள் அல்லது நேரத்தை மாற்றி கொள்ளுங்கள். அதற்க்கு இந்த லிங்கில் http://appointments.uidai.gov.in/frmReScheduleEnrolment.aspx கிளிக் செய்து செல்லுங்கள். 

இதில் உங்களின் மொபைல் எண்ணையும், Token ID கொடுத்து தேவையான பட்டனை அழுத்தி பயன்படுத்தி கொள்ளுங்கள்.

மேலும் சந்தேகங்களுக்கு:
உங்களுக்கு இந்த Aadhar அடையாள அட்டையை பற்றி மேலும் ஏதேனும் சந்தேகம் என்றால் Toll free: 1800-180-1947 மற்றும் Email: appointments@uidai.gov.in இவைகளை தொடர்பு கொண்டு கேட்கலாம். 

முடிந்தவரை அனைத்து தகவல்களும் இங்கு தரப்பட்டுள்ளது. மேலும் தகவல்கள் வேண்டுமென்றால் கருத்துரையில் கேட்கவும்.

இந்த செய்தி அனைவருக்கும் சென்றடைய கீழே ஓட்டு பட்டைகளில் ஓட்டு போட்டும் சமூக தளங்களில் பகிரவும்.

11/27/2011 பிளாக்கர் பதிவில் Blogger Poll வசதியை இணைப்பது எப்படி?


11/27/2011

பிளாக்கர் பதிவில் Blogger Poll வசதியை இணைப்பது எப்படி?

பிளாக்கரில் பல எண்ணற்ற வசதிகள் உள்ளது. அந்த வசதிகளில் ஒன்று தான் Blogger Poll வசதி. இந்த வசதியின் மூலம் நம் பிளாக்கிற்கு வரும் வாசகர்களிடம் கருத்து கேட்க சிறிய ஓட்டெடுப்பு நடத்த எதுவாக உள்ளது. ஆனால் இந்த வசதியை நாம் பிலாக்கரின் சைட்பாரில் மட்டுமே பயன்படுத்த முடியும். பிளாக்கர் பதிவில் இந்த வசதியை நேரடியாக இணைக்க முடியாது. நம் பதிவில் வாசகர்களிடம் கருத்து கேட்க வேண்டுமானால் poll வசதிக்காக மற்ற தளங்களின் உதவியை நாட வேண்டி உள்ளது. அந்த தளங்களில் உறுப்பினர் ஆகி பிறகு இந்த பிளாக்கர் பதிவில் விட்ஜெட்டை சேர்க்க வேண்டும். ஆனால் இப்பொழுது சிறிய ட்ரிக்ஸ் பயன்படுத்தினாலே போதும் நேரடியாக Blogger Poll வசதியை நம்முடைய பதிவுகளில் இணைத்து விடலாம்.

  • முதலில் நீங்கள் எப்பொழுதும் போல Poll விட்ஜெட்டை உங்கள் பிளாக்கர் சைட் பாரில் இணைத்து கொள்ளுங்கள். (தெரியாதவர்கள் Design ==> Add a Gadget ==> Poll சென்று விட்ஜெட் உருவாக்கி கொள்ளுங்கள். )
  • poll விட்ஜெட் உருவாக்கிய வுடன் உங்கள் வலைப்பூவை ஓபன் செய்துகொண்டு Source Code(Ctrl + u) பகுதிக்கு செல்லுங்கள். 
  • அடுத்து Ctrl + F கொடுத்து கீழே உள்ள URL தேடவும்.
http://www.google.com/reviews/polls
  • இந்த URL கொடுத்து தேடினால் உங்களுக்கு கீழே இருப்பது போன்ற ஒரு கோடிங் கிடைக்கும்.  
  •  இது போன்று கோடிங் கண்டுபிடித்தவுடன் இந்த கோடிங்கை முழுவதுமாக காப்பி செய்து கொண்டு பிளாக்கரின் New Post பகுதிக்கு செல்லுங்கள்.
  • Edit HTML பகுதியை கிளிக் செய்து அந்த காப்பி கோடிங்கை பேஸ்ட் செய்து விடவும்.
  •  போதும் நீங்கள் Compose பகுதிக்கு சென்றால் இந்த விட்ஜெட் சேர்ந்திருப்பதை பார்க்கலாம். இனி எப்பொழுதும் போல உங்கள் பதிவை டைப் செய்து விட்டு பப்ளிஷ் செய்து விடலாம். 
இப்பொழுது பதிவில் Poll விட்ஜெட் சேர்ந்திருப்பதை காணலாம்.