Feb 14, 2019

பிப்ரவரி 20 ஆம் தேதி சீனாவில் வெளியாகும் சியோமி Mi 9!



சியோமி Mi 9 போன்கள் அறிமுக நிகழ்வு பிப்ரவரி 20 ஆம் தேதி, சீன தலைநகர் பெய்ஜிங்கில் நடைபெறுவதாக, அந்நிறுவனம் அதிகாரப்பூர்வ தகவலை வெளியிட்டுள்ளது. 

சீனாவின் தலைநகரான பெய்ஜிங்கில் சியோமி Mi 9 போனின் அறிமுக நிகழ்வு நடைபெறுகிறது. இதே நாளில்தான் சாம்சங் கேலக்ஸி எஸ்10 போனின் அறிமுக நிகழ்வு சான்பிரான்சிஸ்கோவில் நடைபெறுகிறது. 

சியோமி நிறுவனம் தனது Mi 9 போன்களை பிப்ரவரி 24 ஆம் தேதி சர்வதேச மொபைல் காங்கிரஸ் மாநாட்டில் வெளியிடவும் திட்டமிட்டுள்ளது. இதுவரை சியோமி Mi 9 போன்களின் பிரத்யேக அம்சங்களைப் பற்றி பல்வேறு செய்திகள் வெளியாகி இருப்பதால் அனைவரின் எதிர்பார்ப்பும் எகிறியுள்ளது. 

சியோமி Mi 9 போன்கள் 6.4 இஞ்ச் முழு திரை (edge-to-edge screen), 24w வேகமாக சார்ஜ் செய்யும் வசதி, மூன்று கேமிராக்கள், 3500 எம்ஏஎச் பேட்டரி உள்ளிட்ட அம்சங்கள் கொண்டதாக இருக்கும் என்று தகவல்கள் கசிந்துள்ளது.

Feb 13, 2019

எல்லோரும் 10000 ரூபாய் அபராதம் செலுத்துங்கள்..? மிரட்டும் வருமான வரி துறை..? நமக்கு என்ன லாபம்..?


ஏன்..?
எல்லாம் அபராதம் என்கிற ஒற்றை விஷயம் தான். வருமான வரித் துறைச் சட்டம் 234 -ன் படி ஆண்டுக்கு ஐந்து லட்சம் ரூபாய்க்கு மேல் சம்பாதிப்பவர்கள் வருமான வரி சொல்லும் நேரத்துக்குள் தங்கள் வருமான வரியை செலுத்தி வருமான வரிப் படிவங்களைத் தாக்கல் செய்திருக்க வேண்டும். அப்படி இல்லை என்றால் 5,000 ரூபாய் அபராதத்தோடு டிசம்பர் 31-ம் தேதி வரை காலக் கெடு கொடுக்கப்படுகிறது. அப்படியும் வரி செலுத்தாதவர்கள் கண்டு பிடிக்கப்பட்டால் 10,000 ரூபாய் அபராதத்தோடு வரி தாக்கல் செய்ய வேண்டும்.
நோட்டீஸ்
இப்போது பலருக்கும் “மதிப்புக்குரிய XXXXX, வருமான வரிச் சட்டம் 139-ன் கீழ் நீங்கள் கடந்த நிதி ஆண்டுக்கு வந்த வருமானத்தை கணக்கில் காட்டி வருமான வரி தாக்கல் செயய்வில்லை. விரைவில் 10,000 ரூபாய் அபராதத்துடன் வருமான வரி தாக்கல் செய்யவும். இப்படிக்கு வருமான வரித் துறை” என நோட்டிஸ் வந்து கொண்டிருக்கிறது. அலரி அடித்துக் கொண்டு ஆடிட்டர்களை நோக்கி படை எடுக்கிறார்கள். சரி முதலில் வருமான வரிச்சட்டம் 139 என்ன சொல்கிறது எனப் பார்ப்போம்.
வருமான வரிச் சட்டம் பிரிவு 139
இந்த சட்டத்தில் யார் எல்லாம் வரி தாக்கல் செய்ய வேண்டும், ஒரு நிதி ஆண்டில் எவ்வளவு ரூபாய்க்கு மேல் வருமானம் இருந்தால் அவர்கள் வரி தாக்கல் செய்ய வேண்டும். சிலருக்கு ஒரு நிதி ஆண்டில் அரசு சொல்லி இருக்கும் அளவுக்கு வருமானம் இல்லை என்றால் கூட அவர்கள் வருமான வரி தாக்கல் செய்ய வேண்டும்..? ஏன் என விரிவாக இருக்கிறது. ஆக பிரிவு 139-ன் படி யார் எல்லாம் வருமான வரி தாக்கல் செய்ய வேண்டும் எனப் பார்ப்போம்.
யார் எல்லாம் வரி தாக்கல் செய்ய வேண்டும் 1
சொந்தமாகவோ அல்லது வாடகை கொடுத்தோ 2000 சதுர அடிக்கு மேல் கார்பெட் ஏரியா உள்ள வீட்டில் வசிப்பவர்களுக்கு மாதம் 5,00,000 ரூபாய்க்கு மேல் வருமானம் இல்லை என்றால் கூட வரி தாக்கல் செய்ய வேண்டும்.
யார் எல்லாம் வரி தாக்கல் செய்ய வேண்டும் 2
சொந்தமாக இரு சக்கர வாகனங்களைத் தவிர வேறு எந்த விதமாக மோட்டார் வாகனங்களை வைத்திருந்தாலும் அவர்களும் வருமான வரி தாக்கல் செய்ய வேண்டும். இதில் ஆட்டோ, லோட் வாகனங்கள், சின்ன யானை (டாடா ஏஸ்) போன்ற வணிக ரீதியிலான வாகனம் வைத்திருப்பவர்கள் என அனைவரும் அடக்கம். இவர்களுக்கு ஆண்டுக்கு ஐந்து லட்சம் ரூபாய்க்கு மேல் வருமானம் வரவில்லை என்றாலும் வருமான வரி தாக்கல் செய்ய வேண்டும்.
யார் எல்லாம் வரி தாக்கல் செய்ய வேண்டும் 3
ஒரு நிதி ஆண்டில் (01 ஏப்ரல் தொடங்கி அடுத்த ஆண்டில் மார்ச் 31 வரை) மொத்தமாகவோ அல்லது மாதாமாதமோ க்ளப்களுக்கு 25,000 ரூபாய்க்கு மேல் செலுத்தி உறுப்பினர்களாக இருப்பவர்களும் கட்டாயம் வருமான வரி தாக்கல் செய்ய வேண்டும். இவர்களுக்கும் ஒரு நிதி ஆண்டில் 5,00,000 ரூபாய்க்கு மேல் வருமானம் வந்திருக்க வேண்டும் என்கிற அவசியம் இல்லை.
யார் எல்லாம் வரி தாக்கல் செய்ய வேண்டும் 4
ஒருவருக்கு சொந்தமாகவோ அல்லது வாடகை கொடுத்தோ 300 சதுர அடிக்கு மேல் வணிக ரீதியிலான நடவடிக்கைகளை மேற்கொள்ள கடை, உற்பத்தி ஆலைகள், அலுவலகங்களை வைத்திருப்பவர்கள் கூட வருமான வரி தாக்கல் செய்ய வேண்டும். இவர்களுக்கும் ஒரு நிதி ஆண்டில் 5,00,000 ரூபாய்க்கு மேல் வருமானம் வந்திருக்க வேண்டும் என்கிற அவசியம் இல்லை.
யார் எல்லாம் வரி தாக்கல் செய்ய வேண்டும் 5
வெளிநாடுகளுக்கு பயணம் மேற்கொண்டவர்கள் அனைவரும் வருமான வரி தாக்கல் செய்ய வேண்டும். உதாரணத்துக்கு ஒரு குடும்பத்தில் அம்மா, அப்பா, மகன், மகள் என நான்கு பேர் வெளிநாடு பயணிக்கிறார் என்றால்… அதில் 18 வயதுக்கு மேற்பட்டவர்கள் வருமான வரி தாக்கல் செய்வது நல்லது. குறிப்பாக பான் அட்டை உள்ளவர்கள் வெளிநாட்டு பயணங்களை மேற்கொண்டால் நிச்சயமாக வருமான வரி தாக்கல் செய்ய வேண்டும். இவர்களுக்கும் ஒரு நிதி ஆண்டில் 5,00,000 ரூபாய்க்கு மேல் வருமானம் வந்திருக்க வேண்டும் என்கிற அவசியம் இல்லை.
யார் எல்லாம் வரி தாக்கல் செய்ய வேண்டும் 6
க்ரெடிட் கார்ட் என்கிற கடன் அட்டை. தங்கள் பெயரில் ஒரு க்ரெடிட் கார்ட் வைத்திருப்பவர்கள் கட்டாயம் வருமான வரி தாக்கல் செய்ய வேண்டும். காரணம் கடன் வாங்குகிற அளவுக்கு பணப் புழக்கம் இருக்கும் ஒரு நபர் ஏன் வருமான வரி தாக்கல் செய்யக் கூடாது என்பது வருமான வரித்துறையின் கேள்வி. ஆக இவர்களுக்கும் ஒரு நிதி ஆண்டில் 5,00,000 ரூபாய்க்கு மேல் வருமானம் வந்திருக்க வேண்டும் என்கிற அவசியம் இல்லை.
வேறு யார் எல்லாம்..?
இதற்கு மேல் சாதாரணமாக கடை நடத்துபவர்கள், சின்ன சின்ன வியாபாரங்களில் ஈடுபடுபவர்கள், பான் அட்டை வைத்திருப்பவர்கள், குறிப்பாக ஆண்டுக்கு 5,00,000 ரூபாய்க்கு மேல் சம்பாதிப்பவர்கள் அனைவருமே கட்டாயம் வருமான வரி தாக்கல் செய்ய வேண்டும். சரி இத்தனை மிரட்டி நம்மிடம் இருந்து வருமான வரி தாக்கல் செய்யச் சொல்கிறார்களே… நமக்கு ஏதாவது நன்மை இருக்கிறதா..? இருக்கிறதே.. மேற்கொண்டு படியுங்கள்.
வங்கிக் கடன்கள்
பொதுவாக வேலைக்கு சேர்ந்து சில வருடங்களுக்குப் பின் தான் வீட்டுக் கடனை அடைக்க அலது தங்கை திருமணத்துக்கு அல்லது நம் திருமணத்துக்கு என பணம் தேவைப்படும். அப்போது வங்கிகளிடம் கேட்டால் வருமான வரி தாக்கல் செய்திருக்கிறீர்களா எனக் கேட்பார்கள். கடந்த மூன்று நிதி ஆண்டுகளில் நாம் வருமான வரி தாக்கல் செய்திருந்தால் கடன் கிடைப்பது 75% உறுதி. காரணம் நம் 3 வருட வருமானத்தை அவர்கள் கண்ணால் பார்த்துவிட்டார்கள். அதை அரசிடமும் நாம் கணக்கு காட்டி இருக்கிறோம் என்பதால் நம் மீதான நம்பகத் தன்மை அதிகரித்துவிடும்.
உங்கள் வருமானத்தைப் பெற
நாம் ஒரு நிறுவனத்தில் வேலை பார்த்துக் கொண்டே ஏதாவது பகுதி நேர பிசினஸாக எதையாவது செய்யும் நடுத்தர மக்களை நாம் அதிகம் பார்க்க முடியும். உதாரனமாக மாத சம்பளத்துக்கு ஒரு நிறுவனத்தில் வேலை பார்த்துக் கொண்டே இன்ஷூரன்ஸ் ஏஜெண்டுகளாக இருப்பது, பத்திரிகைகளில் கட்டுரை,கதை, கவிதைகளை எழுதுவது, பேச்சாளர்களாக மேடைகளில் பேசி சம்பாதிப்பது, பகுதி நேரங்களில் வகுப்பு எடுப்பது என பல்வேறு வேலைகளைச் செய்கிறார்கள்.
டிடிஎஸ் – Tax Deducted at Source
இவர்களில் பலருக்கும் பகுதி நேர வேலைகள் மூலம் ஒரு பகுதி வருமானம் வரும். ஆனால் அதற்கு பெரும்பாலும் டிடிஎஸ் பிடித்தம் செய்யப்பட்டு வரும். ஆக இந்த பிடித்தம் செய்த டிடிஎஸ் தொகையை மீண்டும் பெற நாம் கட்டாயம் வருமான வரி தாக்கல் செய்ய வேண்டும். நமக்கு ஆண்டு வருமானம் 5,00,000 ரூபாய்க்கு கீழ் என நாம் தாக்கல் செய்தால் தானே நமக்கு பணத்தை திருப்பித் தருவார்கள் அதற்குத் தான் வரி தாக்கல் செய்யச் சொல்கிறார்கள்.
நம் இறப்பின் போது நம் குடும்பத்துக்கு காசு கிடைக்க
இந்தியாவில் சாலை விபத்துக்கள் அடிக்கடி நடந்து கொண்டு தான் இருக்கின்றன. இப்படி ஒரு சாலை விபத்தில் நாம் இறந்துவிட்டால் நமக்கு மோட்டார் வாகன இன்ஷூரன்ஸ் மூலம் க்ளெய்ம் கிடைக்கும். சுமார் 5 லட்சம் ரூபாய் தொடங்கி 2 கோடி ரூபாய் வரை இந்த க்ளெய்ம் கிடைக்கும். இந்த கெளெய் தொகையை இறப்பவரின் வயது, அவரின் வருமானம். அவரை நம்பி இருப்பவர்களின் எண்ணிக்கை மற்றும் அவர்களின் நிலை ஆகியவைகளைப் கணக்கில் எடுத்துக் கொண்டு தான் இன்ஷூரன்ஸ் நிறுவனங்கள் கொடுக்கும்.
தாக்கல் செய்திருந்தால்
இப்போது நம் இறப்புக்குப் பின் நம் வருமானத்தை நிரூபிக்க வருமான வரி தாக்கல் செய்திருக்கிறார்களா எனக் கேட்பார்கள். வருமான வரி தாக்கல் செய்திருந்தால் க்ளெய்ம் உறுதி. காரணம் வருமான வரி தாக்கல் செய்திருக்கும் படிவம் ஒரு அரசு ஆதாரமாகவே எடுத்துக் கொள்ளப்படும். எனவே வேலை வேகமாக முடிந்து நம் க்ளெய்ம் தொகையும் நம் குடும்பத்துக்கு முறையாகச் சென்று சேரும். அப்படிஒருவேளை நாம் வருமான வரி தாக்கல் செய்யவில்லை என்றால் நம் குடும்பத்தினர் நம் பழைய அலுவலகத்துக்கும், இன்ஷூரன்ஸ் நிறுவனத்துக்குமாக ஆண்டு கணக்கில் நடக்க வேண்டி இருக்கும்.

மறைமுக வரி என்றால் என்ன? எது எது மறைமுக வரி?



இந்திய அரசால் பொருட்கள் வாங்கும்போது இரண்டு வகையான வரிகள் விதிக்கப்படுகிறது. ஒன்று நேர்முக வரி. மற்றொன்று மறைமுக வரி. மறைமுக வரி என்பது பொருள் தயாரிப்பவர்கள் மற்றும் வணிகர்களால் நுகர்வோர் மீது விதிக்கப்படும் வரி ஆகும். 

மறைமுக வரி என்றால் என்ன? 

நேர்முக வரி என்பது வருமான வரி மீது சுமத்தப்படும் வரி. இது நேரடியாக அறிவிக்கப்பட்டு வசூலிக்கப்படுகிறது. இதிலிருந்து முற்றிலும் மாறுபட்டது மறைமுக வரி. பொருட்கள் தயாரிப்பவர், வணிகர் என்று அவர்களுக்கு ஏற்படும் செலவினங்களை, கூடுதல் வரியை, கூடுதல் செலவினங்களை சமாளிக்க பொருட்கள் மீது வரியை அதிகரித்து விடுகின்றனர். இறுதியில் பொருட்களை வாங்கும் தனி நபர் மீது அந்த வரி சுமத்தப்படுகிறது. பொருட்களை கூடுதல் விலை கொடுத்து வாங்கும் நிலையில் நுகர்வோர் இருப்பர். இது மறைமுக வரி எனப்படுகிறது. 

சில சமயங்களில் மறைமுக வரி இன்வாய்சில் கூறப்பட்டு இருக்கும். சில பொருட்களில் கூறப்படாமல் பொருளின் மீதே சுமத்தப்பட்டு இருக்கும். மறைமுக வரியினால்தான் பொருட்களின் விலை அதிகரிக்கிறது. 



மறைமுக வரிகள் என்னென்ன? 

சேவை வரி, சுங்கவரி, கலால் வரி, மதிப்புக்கூட்டு வரி, பொழுதுபோக்கு வரி, நவநாகரீகப் பொருட்கள் மீதான வரி ஆகியைவை மறைமுக வரிகளின் கீழ் வரும்.

மறைமுக வரியும், விளக்கங்களும்: 

சேவைகளின் மீது விதிக்கப்படுவது சேவை வரி. உணவகங்களில் உணவு அருந்தும்போது அல்லது ஓட்டல்களில் தங்கும்போது நம் மீது விதிக்கப்படுவது சேவை வரி. கலால் வரி என்பது தயாரிப்பு பொருட்களின் மீது விதிக்கப்படுவது. சுங்கவரி என்பது இறக்குமதி செய்யப்படும் பொருட்களின் மீது விதிக்கப்படுவது. மதிப்புக் கூட்டு வரி என்பது தயாரிப்பு, விநியோகம் என அனைத்து மட்டங்களிலும் நுகர்வோரை பொருள் வந்தடையும் வரை விதிக்கப்படுவது. இது மட்டுமின்றி, இந்திய பங்குச் சந்தையில் வாங்கப்படும் பங்குகளின் மீது, மியூச்சுவல் பண்டுகளின் மீது விதிக்கப்படும் வரியாகும். 

ஸ்டாம்ப் வரி: 

இது தவிர மாநில அரசு அந்தந்த மாநிலங்களில் இருக்கும் அசையா சொத்தின் மீது ஸ்டாம்ப் வரி விதிக்கிறது. இது மாநிலங்களுக்கு மாநிலம் வேறுபடும். 

பொழுதுபோக்கு வரி: 

இவை தவிர பொழுதுபோக்கு வரியும் விதிக்கப்படுகிறது. சினிமா தியேட்டர்கள், பொழுதுபோக்கு பூங்காக்கள், பொருட்காட்சிகள், வீடியோ விளையாட்டுக்கள், விளையாட்டு நிகழ்ச்சிகள் மீது விதிக்கப்படுவதாகும். தற்போது அமலில் இருக்கும் ஜிஎஸ்டியும் ஒரு வகையில் மறைமுக வரிதான். இந்த வரியால் தான் நுகர்வோர் அதிகளவில் பாதிக்கப்படுகின்றனர். 

Feb 12, 2019

ஒப்போ மொபைல்களில் அதிரடி ஆஃபர் அறிவிப்பு


அமேசான் ஆன்லைன் விற்பனைத் தளத்தில் ஆஃபர் விலையில் சீன ஸ்மார்ட்போன் நிறுவனம் இன்று முதல் (பிப்.,12) வரும் 14ம் தேதிவரை 3 நாட்கள் அதிரடி ஸ்மார்ட்போன் எக்ஸ்சேஞ்ச் ஆப்பர்களை அறிவுத்துள்ளது. ஒப்போ ஆர்15 புரோ, ஒப்போ ஆர்17, ஒப்போ ஆர்17 புரோ, ஒப்போ எஃப் 9 புரோ ஆகிய முன்னணி மாடல்கள் இந்த 3 நாட்கள் ஆஃபர் விலையில் விற்கப்படுகின்றன. இதுகுறித்த தகவல்களைப் பார்ப்போம். 

ஒப்போ ஆர்15 

குவால்காம் ஸ்னாப்டிராகன் 660 பிராசஸர், 20 மெகா பிக்ஸல் கேமரா கொண்டது ஒப்போ ஆர்15 புரோ. விலை- 25,990. 

ஒப்போ ஆர்17 புரோ 

விலை- ரூ. 45,990. இது 8 ஜிபி ராம் திறன் கொண்டது. டச் ஸ்கிரீன் அதிவேகத்தில் இயங்கும். உங்களது பழைய போன்களை 5000 ரூபாய் வரை எக்ஸ்சேஞ்சில் எடுத்துக் கொள்கிறது. இதன் ஸ்னாப் டிராகன் 710 பிராசஸர் ஒரே நேரத்தில் பல அப்ளிகேஷன்களை லேக் இல்லாமல் இயக்க உதவுகிறது. 

ஒப்போ ஆர்17

இதன் விலை ரூ. 31,990. உங்களது பழைய போன்களை 5000 ரூபாய் வரை எக்ஸ்சேஞ்சில் எடுத்துக் கொள்கிறது. 

ஒப்போ எஃப் 9 புரோ 

விலை- ரூ. 21,990. 64 ஜிபி, 128 ஜிபி (ரூ. 23,990) என இரு வேரியண்ட்களில் இது வெளியாகியுள்ளது. ரு. 3000 வரை உங்களது பழைய போன்களை எக்ஸ்சேஞ்ச் செய்துகொள்ளலாம். 

ஒப்போ ஏ3எஸ் 

பட்ஜெட் பிரியர்கள் விரும்பும் ஸ்மார்ட்போன் இது. விலை- ரூ. 8,990. இதன் 2 ஜிபி ராம், 6.2 இன்ச் அகண்ட் திரை, 4230 எம் ஏஹெச் பாட்டரி உள்ளிட்டவை பலரை கவர்ந்துள்ளன. 

இதன் 3 ஜிபி ராம் வேரியண்ட் ரூ, 10,990 விலையில் வெளியாகியுள்ளது. 

ரூ. 1500 வரை இதில் எக்ஸ்சேஞ்ச் ஆஃபர் உள்ளது. 


Feb 10, 2019

Skype : ஸ்கைப்பில் இனி பேக்ரவுண்டை பிளர் செய்யலாம்!



ஸ்கைப் வீடியோ காலில் இனி பேக்ரவுண்டை பிளர் செய்யும் அம்சத்தை மைக்ரோசாப்ட் நிறுவனம் அறிமுகம் செய்துள்ளது. 

வெளிநாடுகளில் வேலை செய்யும் உறவினர்களிடம்அனைவரிடம் பேச ஸ்கைப்பைதான் அதிகமாக பயன்படுத்துகிறோம். வீடியோ கால் செய்ய பல புது செயலில்கள் வந்தாலும் ஸ்கைப்பைபோல் பிரபலமாகவில்லை . மேலும் மைக்ரோசாப்ட் நிறுவனம் போல அதிக குவாலிட்டிகொண்ட வீடியோ கால் வசதியை மற்றநிறுவனங்களால் வாடிக்கையாளர்களுக்கு கொடுக்க முடியவில்லை. 



ஸ்கைப் தற்போது அறிமுகப்படுத்தி உள்ள பேக்ரவுண்ட் பிளர் ஆப்ஷன் மூலம்வீடியோ காலில் , உங்களுக்கு பின் இருக்கும் இடங்களை பிளர் செய்யமுடியும்.ஸ்கைப்பில் உள்ள செயற்கை நுண்ணறிவு திறனால், மனிதர்களை கண்டறிய முடியும் .எனவேநம்மை தவிற மற்றஇடங்களை பிளர் செய்யும். மேலும் பேக்ரவுண்டை முற்றிலுமாக ரிமூவ் செய்யும் ஆப்ஷனும் இதில் உள்ளது என்பது மேலும் சிறப்பு. குறிப்பிட்ட இடங்களை மட்டும் தேர்வு செய்தும் பிளர் செய்யலாம். 

புதிய ஸ்கைப் வெர்ஷனில் இந்த அம்சங்கள் இடம்பெற்றுள்ளது. இந்த வசதி கணினி மற்றும் மடிக்கணினிகளில் மட்டுமே வெளியாகி உள்ளது. கூடிய விரைவில் இந்த அம்சத்தை ஸ்மார்ட்போன்களிலும் கொண்டு வரும் முயற்சியில் மைக்ரோசாப்ட் நிறுவனம் இறங்கியுள்ளது.

Vivo V15 Pro: உலகில் முதன்முதலாக 32எம்பி பாப்-அப் செல்பி கேமரா! விவோ அதிரடி



விவோ நிறுவனம் 48 எம்பி கேமரா, 6ஜிபி ரேம் வசதியுடன் கூடிய விவோ வி15 ப்ரோஸ்மார்ட்போனை விரைவில் அறிமுகம் செய்ய உள்ளது. 

ஸ்மார்ட்போன் தயாரிப்பில் முன்னனி சீன நிறுவனமான விவோ, வரும் 20ம் தேதி விவோ வி15 ப்ரோ ஸ்மார்ட்போனை அறிமுகம் செய்கிறது. இது தொடர்பான டீசர் வீடியோவை விவோ நிறுவனம் வெளியிட்டுள்ளது. இந்த ஸ்மார்ட்போனில் செல்பிக்கு என்று பிரத்யேகமாக பாப்-அப் கேமரா உருவாக்கப்பட்டுள்ளது. இதற்கு முன்பு இதே போல் பாப்-அப் கேமரா ஸ்மார்ட்போன் வெளிவந்தாலும், விவோ வி15 ப்ரோவில் உள்ள பாப்-அப் கேமரா அதிக மெகா பிக்சல் கொண்டதாகவும். உலகில் முதன்முறையாக 32 எம்பி கேமரா கொண்ட ஸ்மார்ட்போன் விவோ வி15 ப்ரோ தான். 

இது தவிர போனின் பின்புறத்தில் 45 மெகா பிக்சல் கேமராவும் உள்ளது. இதில் 12 எம்பி சென்சார் நுட்பமும் உள்ளது. மேலும், விரல் ரேகை சென்சார், ஜிபிஎஸ், நேவிகேஷன் சென்சார் தொழில்நுட்பங்களும் உருவாக்கப்பட்டுள்ளன. வரும் 20ம் தேதி விற்பனைக்கு வரும் நிலையில், இதன் விலை 25,990 ரூபாய் என்று எதிர்பார்க்கப்படுகிறது. 

விவோ 15 ப்ரோவில் உள்ள சிறப்பம்சங்கள்: 



சிம்: டூயல் சிம் கார்டுகள் 
ஆண்ட்ராய்டு 8.1 ஒரியோ 
பிராசசர்: குவால்கம் ஸ்னாப்டிராகன் 660 
டிஸ்ப்ளே அளவு: 6.41 இன்ச் 
ரேம்: 6 ஜிபி 
இன்பீல்ட் மெமரி: 128 ஜிபி 
கேமரா: மூன்று கேமரா 
முன்புற கேமரா: 12 மெகா பிக்சல் 
பின்புற கேமரா: 45 மெகா பிக்சல் 
பாப் அப் கேமரா: 32 மெகா பிக்சல் 
பேட்டரி சக்தி: 3400mAh 

ஏடிஎம் இயந்திரத்தை ஹேக் செய்து 7 கோடி ரூபாய் சுட்ட வங்கி ஊழியர்!



சீனாவில் ஏடிஎம் இயந்திரத்தைக் ஹேக் செய்த ஆசாமி சுமார் 7 கோடி ரூபாய் மதிப்பிலான பணத்தை அபேஸ் செய்துள்ளார். 

சீனாவில் உள்ள ஒரு வங்கியில் (Huaxia Bank) கடந்த 2016ஆம் ஆண்டு வங்கியின் தொழில்நுட்பத் தளத்தில் ஒரு குறைபாடு கண்டறியப்பட்டது. அதாவது நள்ளிரவில் அந்த வங்கியின் ஏ.டி.எம்.மில் பணம் எடுப்பது எதுவும் பதிவு செய்யப்படாது. 

இந்தக் குறைபாட்டை சரிசெய்ய 43 வயதான குயின் குய்ஷெங் என்பவர் வங்கியின் தொழில்நுட்பப் பிரிவில் பணியாற்றியுள்ளார். அப்போது, தனக்குக் கிடைத்த வாய்ப்பை பயன்படுத்தி வங்கி ஏ.டி.எம். மூலம் திருட்டுத்தனமாக பணம் எடுத்துள்ளார். 

இந்தத் தில்லுமுல்லு வேலையில் மாட்டிக்கொள்ளாமல் இருக்க, வங்கி அலாரம் செயலிழந்து போக வைத்துள்ளார். கொஞ்சம் கொஞ்சமாக அவர் எடுத்த தொகையில் ஒரு பகுதியை பங்கு வர்த்தகத்தில் முதலீடு செய்துள்ளார்.


இந்த மூதலீட்டினால் அவர் சிக்கிக்கொண்டுவிட்டார். அவர் செய்த டூபாக்கூர் வேலை அனைத்தும் அம்பமாகிவிட்டது. அவர் சுட்ட பணம் இந்திய மதிப்பில் சுமார் 7,11,75,500 ரூபாய் இருக்கும். 

தற்போது அந்நாட்டு நீதிமன்றம் அவருக்கு பத்தரை ஆண்டுகள் சிறை தண்டனை விதித்து உள்ளே தள்ளியிருக்கிறது.