Nov 23, 2015

மோசமாக எஸ்.எம்.எஸ். தரும் எண்களைத் தடை செய்திட

நம்மில் பலரின் ஆண்ட்ராய்ட் ஸ்மார்ட் போனில், மிக மோசமான சொற்கள் அடங்கிய, பாலியல் தொந்தரவு தரும் வகையிலான குறுஞ் செய்திகள் எனப்படும் எஸ்.எம்.எஸ். தகவல்கள் வந்திருக்கும். இவற்றை அனுப்பிய எண்களும் இருக்கும். ஆனால், இந்த எண்களை அழைத்து ஏன் இவ்வாறு மோசமான செய்திகளை அனுப்பியுள்ளீர்கள் எனக் கேட்டால், “அனுப்பவே இல்லை” என்றும், தொடர்ந்து பேசினால், மிக மோசமான சொற்களால் திட்டுக்களும் கிடைக்கும். பலர், இந்த அவமானத்தை வெளியில் சொல்ல தயங்கி, அது பற்றி மேல் நடவடிக்கை எடுக்க மாட்டார்கள். காவல் துறைக்குச் சென்றால், பலருக்கு இது தெரிந்துவிடும் என்ற பயமும் இருக்கும். நீங்களாகவே, இதனைத் தடுத்துவிடும் வழிகள் உள்ளன. அதனை இங்கு காணலாம்.

உங்களுடைய ஆண்ட்ராய்ட் ஸ்மார்ட் போனில், இணையத் தொடர்பின் வழியாக, Google Play store (Android market) செல்லவும். அல்லது போன் பிரவுசர் வழியாக play.google.com என்ற முகவரியில் உள்ள தளம் செல்லவும். Google Play store அடைந்தவுடன் அதில் ““SMS blocker”” என டைப் செய்து தேடவும். அல்லது நேரடியாக https://play.google.com/store/apps/details?id=com.smsBlocker&hl=en என்ற முகவரிக்குச் செல்லவும். கூகுள் பிளே ஸ்டோரில் எஸ்.எம்.எஸ். தடுக்க கிடைக்கும் பல புரோகிராம்களில் SMS Blocker – Clean Inbox என்ற ஒன்று காட்டப்படும். அல்லது இந்த முகவரியில் இது மட்டுமே காட்டப்படும். இதனை உங்கள் மொபைல் போனில் இன்ஸ்டால் செய்திடவும். இன்ஸ்டால் செய்தவுடன், இயக்கி app preferences page என்ற பக்கத்திற்குச் செல்லவும். இங்கு •SMS blocking என்பதிலும் Spam auto blocking – என்பதிலும் On என அமைக்கவும். Country code என்ற இடத்தில் இந்தியாவிற்கான குறியீடான 91 என்பதனை அமைக்கவும். (மற்ற நாடுகளின் குறியீடுகளை அறிய http://countrycode.org/ என்ற முகவரியில் உள்ள தளம் செல்லவும்.) இனி, ஸ்பேம் செய்திகள் வரும்போது அவை தடுக்கப்படும். குறிப்பிட்ட எண்களில் இருந்து வரும் செய்திகளைத் தடுக்க, ““Block”” என்ற டேப்பினைத் தேர்ந்தெடுக்கவும். “Add New” என்பதில் கிளிக் செய்திடவும். இங்கு மூன்று ஆப்ஷன்கள் கிடைக்கும். அவை: போன் முகவரி புக்கிலிருந்து எண் தேடி எடுத்து அமைத்தல், எஸ்.எம்.எஸ். வந்த பெட்டியிலிருந்து எண் தேடி அமைத்தல், மற்றும் நாமாக எண்ணை அமைத்தல். இங்கு எண்ணை அமைக்க வேண்டும். 

அடுத்ததாக, “Filter” என்று ஒரு ஆப்ஷன் உள்ளது. இங்கு குறிப்பிட்ட சொல் அல்லது சொற்களை அமைத்து, அவை உள்ள செய்திகளை ஸ்பேம் பெட்டிக்கு அனுப்ப செட் செய்திடலாம்.

Nov 22, 2015

விஷப்பெட்டியாக மாறிவிட்ட ஃப்ரிட்ஜ்!

ஷாக்கிங் தகவல்கள்… சமாளிக்க 10 கட்டளைகள்!
‘‘குளிர்சாதனப்பெட்டி (Refrigerator) என்பது இன்று எல்லா இல்லங்களிலும் அத்தியாவசியப் பொருளாகிவிட்டது. ஆனால், பலருக்கும் தெரியாது அதில் பொதிந்துள்ள ஆபத்துகள் பற்றி!’’ என்று அதிர்ச்சி கொடுக்கும் சென்னை, இ.எஸ்.ஐ மருத்துவமனையின் ஊட்டச்சத்து நிபுணர் பவானி, குளிர்சாதனப்பெட்டி கண்டுபிடிக்கப்பட்டதன் நோக்கம் தொடங்கி, அதன் பயன்பாடு திசைதிரும்பியதால் அதிகரித்துள்ள உடல்நலப் பிரச்னைகள், ஃப்ரிட்ஜுக்கான மாற்றுவழி வரை விரிவாகப் பேசுகிறார்…

குளிர்சாதனப்பெட்டி… எதற்காக?

“மருந்தையும், சமைக்காத உணவையும் குளிர்படுத்தி பாதுகாத்து நீண்ட நாட்களுக்கு பயன்படுத்த கண்டுபிடிக்கப்பட்ட மின்சாதனமே, இயந்திர தொழில்நுட்ப வரலாற்றில் முக்கியக் கண்டுபிடிப்பான குளிர்சாதனப்பெட்டி. உணவுப் பொருட்கள் அதிகமாகக் கிடைக்கும் காலங்களில் அவற்றைப் பாதுகாத்து, குறிப்பிட்ட அந்த உணவுக்கு தட்டுப்பாடு வரும் காலத்தில் பயன்படுத்துவது, உணவுகளை உற்பத்தி இடங்களில் இருந்து வேறு இடங்களுக்கு பாதிப்படையாமல் எடுத்துச் செல்வது, மருந்துகளைப் பாதுகாக்கப் பயன்படுத்துவது, பால், காய்கறி போன்ற சமைக்காத உணவுகளைப் பாதுகாத்துப் பயன்படுத்துவது… இதெல்லாம்தான் குளிர்சாதனப்பெட்டி கண்டுபிடிப்பின் நோக்கங்கள்.

இன்றோ, சமைத்த உணவுகளையும் ஃப்ரிட்ஜுக்குள் வைப்பது, பல வகையான உணவுப் பொருட்களையும் வைக்கும்போது சரியாக மூடாமலும், சரிவர பிரித்து வைக்காமலும் ஸ்டோர் செய்வது, போன வாரம் வாங்கிய காளான் முதல், மிகுந்துபோன குழம்பு வரை அடைத்து வைப்பது என… ஒவ்வொரு வீட்டிலும் குளிர்சாதனப்பெட்டி, கண்ணுக்குப் புலப்படாத விஷப்பெட்டியாகத்தான் நின்றுகொண்டிருக்கிறது!

குளிர்சாதனப்பெட்டி அவசியமா?

குளிர்சாதனப்பெட்டி அவசியம் இல்லை என்பதுதான் உண்மை. நம் முன்னோர் குளிர்சாதனப் பெட்டியை அறியவில்லை; அவர்களின் ஆரோக்கியத்துக்கும் குறைவில்லை. அவர்களிடம் இருந்த சுறுசுறுப்போ, நேரமோ நமக்கில்லை என்பதால், நம் சோம்பேறித்தனத்துக்கு சாமரம் வீசும் ஃப்ரிட்ஜை சார்ந்து வாழப் பழகிவிட்டோம். முழுக்க முழுக்க, மேற்கத்திய நாடுகளில் உள்ளவர்களுக்காக கண்டிபிடிக்கப்பட்ட இந்த சாதனம், அவர்களின் சீதோஷ்ணம், வேலை, சூழலுக்குப் பொருந்தும். ஆனால், எல்லாவற்றிலும் ‘வெஸ்டர்னைஸடு’ ஆகும் நமக்கு, ஃப்ரிட்ஜும் விதிவிலக்கல்லாமல் போய்விட்டது. இதனால், அடிக்கடி காய்கறி வாங்க வேண்டிய வேலையும், மூன்றுவேளை சமைக்கும் வேலையும் குறையும் என்பதே பலரின் நினைப்பு. கொஞ்சம் மெனக்கெட்டால், இந்த சார்பை விலக்கலாம். இல்லையென்றால், அதில் பொதிந்துள்ள ஆபத்துகள் நம் ஆரோக்கியத்தையும், ஆயுளையும் குறைக்கும்.

செய்ய வேண்டிய விஷயங்கள்!

பெரியவர்கள், குழந்தைகள் உள்ள வீடுகளில் வயிற்றுவலி, பேதியில் இருந்து, ஒபிஸிட்டி எனப்படும் உடற்பருமன் வரை ஃப்ரிட்ஜ் உணவுகள் ஏற்படுத்தும் பாதிப்புகள் பல. ‘இவ்வளவு பாதிப்புகளா?! ஆனாலும், ஃப்ரிட்ஜ் இல்லாமல் இருக்க முடியாதே?’ என்பவர்களுக்கு… 10 கட்டளைகள்… இதோ!

1. 5 டிகிரி செல்சியஸ் முதல் 60 டிகிரி செல்சியஸ் வரையிலான டெம்பரேச்சரில் பாக்டீரியாக்கள் மிக வேகமாக வளரக்கூடும் என்பதால், -15 டிகிரி செல்சியஸ் முதல் 5 டிகிரி செல்சியஸ் அளவுக்குள் குளிர்சாதனப்பெட்டியின் டெம்பரேச்சரை செட் செய்ய வேண்டியது மிக முக்கியம். முடிந்தவரை 4 டிகிரி செல்சியஸ் அளவில் எப்போதும் வைத்துப் பயன்படுத்துவது நல்லது.

2.  மின்சாரம் தடைபட்டால் இரண்டு மணி நேரம் மட்டுமே குளிர்சாதனப் பெட்டியில் உள்ள உணவு கெடாமல் இருக்கும். அதற்குப் பின்னும் மின்சாரம் இல்லையெனில், உடனடியாக ஃப்ரிட்ஜில் உள்ள உணவுகளை வெளியே எடுத்து, சூடுபடுத்தி சாப்பிட்டுவிட வேண்டும். வெயில் காலத்தில், ஒரு மணி நேரத்துக்கு மேல் மின்சாரம் இல்லாமல் இருந்தாலே, உணவுகளை வெளியே எடுத்துப் பயன்படுத்திவிட வேண்டும்.

3. காய்கறி, பழங்கள், கீரைகள், உணவுகள், அசைவ உணவுகள் இப்படி அனைத்தையும் சரிவரப் பிரித்து ஸ்டோர் செய்ய வேண்டும். அதாவது, ஃப்ரீஸரில் அசைவ உணவுகள், டிரேயில் பால் பாக்கெட்டுகள், டோர்களில் கூல்டிரிங்ஸ், கீழ் டப்பாவில் காய்கறிகள், பழங்கள் போன்ற சமைக்காத உணவுகள், நடுத்தட்டில் மாவு உள்ளிட்ட உணவுப் பொருட்கள், மேல்தட்டில் சமைத்த உணவு… இப்படி ஒவ்வொன்றையும் அதற்கான இடத்தில் வைக்க வேண்டும். ஒவ்வொன்றையும் முறையாக இறுக்கமாகப் பேக் செய்து/ மூடி வைக்க வேண்டியது மிக அவசியம். ஒரு பொருளுக்கும் இன்னொரு பொருளுக்கும் இடையில் இடைவெளி இருக்க வேண்டியது மிக முக்கியம்.

செய்யக் கூடாத விஷயங்கள்!

4. என்னதான் குளிர்சாதனப்பெட்டியில் வைக்கப்பட்டாலும், உணவில் மாற்றம் நிகழத்தான் செய்யும். உதாரணமாக, பிரெட் உள்ளிட்ட மைதா சார்ந்த பொருட்களில் உருவாகும் பூஞ்சை, மற்ற உணவுப் பொருட்களையும் பாதிக்கும் என்பதால் நீண்ட நாட்களுக்கு எந்தப் பொருளையும் ஸ்டோர் செய்ய வேண்டாம்.

5. ஆட்டுக்கறி, கோழிக்கறி, வடித்த சாதம் போன்றவற்றில் பாக்டீரியா வளர்ச்சி அதிகமாக இருக்கும், அது மற்ற உணவுகளுக்கும் எளிதில் பரவக்கூடும் என்பதால் இவற்றை ஃப்ரிட்ஜில் ஸ்டோர் செய்வதைத் தவிர்க்கவும்.
6. அதிக சூடான உணவுப் பொருட்களை ஒருபோதும் குளிர்சாதனப்பெட்டிக்குள் வைக்கக்கூடாது. அது அதிக மின்சாரம் செலவாக வழிவகுப்பதுடன், அந்த வெப்பம் ஃப்ரிட்ஜின் மொத்த டெம்பரேச்சரையும் தொந்தரவு செய்து, உணவுப் பொருட்களை பாதிக்கும்.

7. பொதுவாக, குறைந்த டெம்பரேச்சரில் இருந்து அதிக டெம்பரேச்சருக்கு உள்ளாகும்போது, அந்தப் பொருட்களில் பாக்டீரியாவின் வளர்ச்சி அதிகரிக்கும். எனவே, குளிர்சாதனப் பெட்டியில் இருந்து எடுக்கும் காய்கறிகள், உணவுகளை அவற்றிலிருக்கும் குளிர் தன்மை குறைந்ததும் சமைத்தோ, சூடுபடுத்தியோ பயன்படுத்தாவிட்டால் ஆபத்து.

8. சமைத்த உணவுகளை ஃப்ரிட்ஜில் ஸ்டோர் செய்வது பரிந்துரைக்கத்தக்கதல்ல. காரணம், அதில் நுண்கிருமிகள், பாக்டீரியாக்கள் உருவாகி பாழாவதோடு, மற்ற உணவுப் பொருட்களையும் பாதிக்கும். இதில் சிலர் சமைத்து, உள்ளே வைத்து, வெளியே எடுத்து சூடுபடுத்தி, மீண்டும் உள்ளே வைத்து என்று பயன்படுத்தினால் அது உணவாக இருக்காது, விஷமாகிவிடும். 

9. கர்ப்பிணிப் பெண்கள், குழந்தைகள், வயதானவர்கள், நோயாளிகள், நுண்சத்து குறைபாடு உள்ளவர்கள் குளிர்சாதனப் பெட்டியில் வைக்கப்பட்ட உணவுகளை முற்றிலும் தவிர்ப்பதே நல்லது. 

10. குளிர்சாதனப்பெட்டியில் வைக்கும் உணவுகளில் புரதச்சத்து, மாவுச்சத்து, கொழுப்புச்சத்து போன்றவற்றில் பெரிதாக மாற்றம் ஏற்படாது என்றாலும், சுவை, விட்டமின் சத்து குறைவதுடன், போனஸாக பாக்டீரியா, பூஞ்சைத் தொற்று கிடைக்கும். எனவே, எச்சரிக்கை தேவை!

ஃபிரிட்ஜ்… உணவுப் பொருட்களை ஃப்ரெஷ்ஷாக எடுத்து சாப்பிடத்தானே அன்றி, அழுகும் நிலைக்கு முன்வரை வைத்திருந்து சாப்பிட அல்ல என்பதை நினைவில் கொள்க!’’

– விழிப்பு உணர்வும் எச்சரிக்கையும் தந்து நிறைவு செய்தார், பவானி! 
 

என்னதான் மாற்று?!
காய்கறிகளை வாரக் கணக்கில் வாங்கி வைக்காமல் அதிகபட்சம் இரண்டு, மூன்று நாட்களுக்கு என வாங்கிப் பயன்படுத்தலாம். தேவைக்கும் அதிகமாகச் சமைத்து, மீகுந்துவிட்டது என ஃப்ரிட்ஜுக்குள் திணிக்காமல் அளவாகச் சமைத்து அன்றன்றே சாப்பிட்டுவிடலாம். சாதம் மிகுந்துவிட்டால், வடகம் போடலாம். மீன், நண்டு போன்ற அசைவ உணவுகள், கடலில் இருந்து பிடிக்கப்பட்டு பல நாட்கள் கழித்தே நம்மை வந்து அடைகின்றன. அவற்றை மேலும் வீட்டில் ஃப்ரீஸரில் ஸ்டோர் செய்தால் கிருமித் தொற்று நிச்சயம். அது மற்ற உணவுகளுக்கும் பரவும் ஆபத்தும் உள்ளது.

ஃப்ரிட்ஜில் எவ்வளவு காலம் வைக்கலாம்? 

ஃப்ரிட்ஜ் பராமரிப்பு!
குளிர்சாதனப்பெட்டியை பராமரிக்கும் முறைகளைச் சொல்கிறார், சென்னை, ‘ஜே.கே. எலெக்ட்ரிகல் அண்ட் எலெக்ட்ரானிக்ஸ்’ உரிமையாளர் ராமகிருஷ்ணன்…

குளிர்சாதனப்பெட்டியை எப்போதும் காற்றோட்டமான, சூரியஒளி படாத இடத்தில் வைக்க வேண்டும்.

சிலிண்டரில் இருந்து கசியும் வாயு, குளிர்சாதனப்பெட்டியில் இருந்து வரும் சிறு தீப்பொறியுடன் சேர்ந்து விபத்து ஏற்பட வாய்ப்புள்ளது என்பதால், அடுப்பில் இருந்து ஃப்ரிட்ஜை தூரமாக வைக்கவும்.

குளிர்சாதனப் பெட்டியிலேயே குறிப்பிட்டிருக்கும் அந்தந்த பருவநிலைக்கு ஏற்ற கூலிங் அளவைப் பின்பற்ற வேண்டும். அடிக்கடி திறந்து மூடினால், அதிக மின்சாரம் செலவாகும்.

ஃப்ரீஸரில் ஐஸ் சேர்ந்துவிட்டால் ‘டிஃப்ராஸ்ட்’ ஆப்ஷனை பயன்படுத்த வேண்டுமே தவிர, கூர்மையான பொருட்களைக்கொண்டு குத்தி எடுப்பது கூடாது.

பழைய மாடல் ஃபிரிட்ஜில் பின்புறம் இருக்கும் டிரைனேஜ் வாட்டரை மூன்று நாட்களுக்கு ஒருமுறை சுத்தம் செய்யவும்.

இரண்டு மாதங்களுக்கு ஒருமுறை உட்புறம் உள்ள கிளாஸ் டோர்களை வெளியே எடுத்துத் துடைக்கவும்.

வாரத்தில் ஒருநாள் சோப் பவுடர் கலந்த தண்ணீரில் மிருதுவான துணியை நனைத்துப் பிழிந்து உட்புறம், வெளிப்புறம் துடைத்து, நன்றாகக் காயவிட்டுப் பயன்படுத்தலாம். எலுமிச்சைப் பழத்தை கட் செய்து அல்லது கரித்துண்டுகளை இரண்டு மூலைகளில் வைத்தால், துர்நாற்றம் வீசாமல் இருக்கும்.

குழந்தைகளுக்கு ஆகாது… குளிர்சாதனப் பொருட்கள்!
ன்றைக்கு பெரும்பாலான குழந்தைகள் வீட்டில் ஃப்ரிட்ஜில் ஸ்டோர் ஆகியிருக்கும் சாக்லேட், குளிர்பானங்கள், ஐஸ்க்ரீம் வகைகளைத்தான் ஆசையாகச் சாப்பிடுகின்றன. இந்தப் பொருட்களில் உள்ள சர்க்கரையின் அளவு, குளிர்படுத்தப்படும்போது இன்னும் அதிகமாகி, குழந்தைக்கு வயிற்றுவலியில் இருந்து ஒபிஸிட்டி வரை பிரச்னைகளைத் தரும். ‘ஃப்ரிட்ஜ்ல இருந்து கூல்டிரிங்க்ஸ், சாக்லேட்ஸ் சாப்பிடக் கூடாது’ என்று குழந்தைகளை கண்டிப்பது அல்ல தீர்வு. அதை வாங்கி ஸ்டோர் செய்யாமல் இருப்பதே நிரந்தரத் தீர்வு!

மருந்துகள் பத்திரம்!
குளிர்சாதனப்பெட்டியில் மருந்துகளை ஸ்டோர் செய்யும் முறைகளைச் சொல்கிறார், சென்னையைச் சேர்ந்த, ஓய்வுபெற்ற குழந்தைகள்நல மருத்துவப் பேராசிரியர் செல்வராஜ்…

‘‘இன்சுலின் போன்ற கட்டாயம் குளிர்சாதனப்பெட்டியில் வைத்தே பயன்படுத்த வேண்டிய மருந்துகளுக்கு, ஓர் இடத்தை ஒதுக்கிக்கொள்ள வேண்டும். இதன் அருகில் உணவுப் பொருட்கள், பூக்கள் வைப்பது கூடாது. மருந்து இருக்கும் சமயத்தில் அசைவ ஸ்டோரேஜ் கூடாது. மருந்தால் உணவும், உணவால் மருந்தும் பாழாகக்கூடும்.’’

டாக்குமெண்ட் பிரிண்ட் எடுக்கப் போறீங்களா!

உங்கள் டாகுமெண்ட், ஸ்ப்ரெட்ஷீட் ஆகியவற்றை அச்சிடும் முன், குறிப்பிட்ட அந்த அச்சு நகல், அவ்வளவு அழகாக இருக்க வேண்டாம்; சாதாரணமாக இருந்தால் போதும்; நம் பைலுக்குத்தான் என்று எண்ணுகிறீர்களா? அப்படியானால், அதனை draft mode ல் அச்சிடவும். இவ்வகை அச்சுப் பிரதி வேகமாக பிரிண்ட் ஆகும். குறைவான இங்க் செலவாகும். இந்த வகை அச்சு நகல் ‘draft’, ‘fast’, ‘eco’ என வெவ்வேறு வகையில் அழைக்கப்படும். உங்கள் பிரிண்டரில் இது என்னவென்று காட்டப்படும். 
 
* சில டாகுமெண்ட்களில் குறைவான வரிகள் இருக்கலாம்; அல்லது சிறிய அளவில் அச்சிட்டாலும் படிக்கும் வகையில் இருக்கலாம். அப்படிப்பட்ட டாகுமெண்ட்களை அச்சிடுகையில், தாளின் ஒரு பக்கத்தில் இரண்டு பக்கங்களை அச்சிடலாமே! 

* கூடுமானவரை உங்கள் டாகுமெண்ட்களில், போட்டோக்கள் மற்றும் பெரிய அளவிலான கிராபிக்ஸ் படங்களைத் தவிர்க்கவும். இதனால் டாகு மெண்ட் பைல் அளவு அதிகரிக்கும். அச்சிடுகையில், இந்த டாகுமெண்ட்டின் பக்கங்களை வடிவமைத்து அச்சிட, பிரிண்டர் அதிக நேரம் எடுக்கும். 

* வண்ணம் கலந்த டாகுமெண்ட் அச்செடுக்கையில், அந்த அச்சுப் பிரதி முடிவானதாக இல்லாமல், சோதனைக்குத்தான் எனில், அதனை black or grayscale என்னும் வகையில் அச்செடுக்கலாம். இதனால், நேரம் மிச்சமாகும். வண்ண மை செலவாகாது. குறிப்பாக லேசர் கலர் பிரிண்டரில் நேரம் அதிக அளவில் குறையும். 

* பிரிண்டர்கள் அச்சிடாத வேளைகளில் sleep modeக்குச் சென்று விடும். உடன் அச்சிட கட்டளை கொடுக்கையில் விரைவாகத் தயாராகிவிடும். இதனையே மின்சக்தியை நிறுத்திவிட்டால், பிரிண்டர் தயாராகும் நேரம் அதிகமாகும். பிரிண்ட் ஹெட் தயார்ப்படுத்தப்பட வேண்டும்; மை தெளிக்கும் சிறிய குழாய் முனைகள் (nozzles) சோதிக்கப்பட வேண்டும்; இவற்றைக் கலவைக்குத் தயார் படுத்த வேண்டும் என்பது போன்ற பல பணி முனைப்புகள் மேற்கொள்ளப்படும். எனவே பிரிண்டர் வேலை செய்யாவிட்டாலும், அதன் மின் சக்தியை நிறுத்தாமல் தயார் நிலையில் வைத்திருக்கலாம். அது தானாகவே sleep modeக்குச் செல்வதால், சிக்கல் இல்லை.

காஸ் ஸ்டவ் ஆறு வகை… உங்களுடையது எந்த வகை?

காஸ் ஸ்டவ் ஆறு வகை… உங்களுடையது எந்த வகை?
பொருள்களை வாங்குவதற்குமுன் அறிந்துகொள்ள வேண்டிய விஷயங் களை விவரிக்கும் `ஷாப்பிங் போக லாமா..?’ பகுதியில் இந்த முறை… 

கிச்சனின் ஹீரோவான காஸ் ஸ்டவ். மார்க்கெட்டில் கிடைக்கும் காஸ் ஸ்டவ் வகைகள் மற்றும் அதனைப் பராமரிக்கும் முறைகள் பற்றிச் சொல்கிறார், ‘சத்யா ஏஜென்ஸி’யின் மேனேஜிங் டைரக்டர் ஜான்சன்…
தேவைக்கு ஏற்ப தேர்வு!

காஸ் ஸ்டவ் டெக்னாலஜி முதன் முதலாக 1820-ல் அறிமுகப்படுத்தப்பட்டு, 1836-ம் ஆண்டு மார்க்கெட்டுக்கு வந்தது. இன்று கிராமத்து அடுப்படிகள் வரை ஊடுருவியிருக்கும் காஸ் ஸ்டவ், இன்னொரு பக்கம் கண்ணாடித் தகட்டில் அடுப்பு எனுமளவுக்கு நவீன பயன்பாட்டுக்கு ஏற்ற வடிவ மாற்றத்தையும் அடைந்திருக்கிறது. காஸ் ஸ்டவ் வாங்கும்போது, உங்கள் வீட்டின் சமையல் ஸ்டைல், சமைக்கும் நேரம், சமையல் அறையில் மேடையின் நீள, அகலம் என்று பல கூறுகளையும் நினைவுகூர்ந்து, அதற்குப் பொருத்தமான ஸ்டவ் ஆக தேர்ந்தெடுக்கவும்.

மாடல்கள் ஆறு!

காஸ் ஸ்டவ்வில் இப்போது மார்க்கெட்டில் இருக்கும் ஆறு வகை மாடல்கள் பற்றிய அறிமுகம் இங்கே…

1. பெரும்பாலான வீடுகளில் இருக்கும் ஸ்டெயின்லெஸ் ஸ்டீல் மாடல். இதில் பர்னர் பிராஸ் மெட்டீரியலில் இருக்கும்.

2. பராமரிப்பை எளிதாக்கவென்றே அறிமுகப்படுத்தப்பட்ட கிளாஸ் டாப் மாடல், ஸ்டெயின்லெஸ் ஸ்டீல் மாடல் போலவே இருக்கும் இதில், மேலே ஒரு லேயர் மட்டும் கிளாஸ் கொடுத்திருப்பார்கள். ஸ்டெயின்லெஸ் ஸ்டீலில் நாள்பட்ட கறைகள், எண்ணெய்க் கறை போன்றவைகளை நீக்குவது சிரமம்; இதில் எளிது.

3. ஹாப்ஸ் மாடல்… இது ஹோட்டல் பயன்பாட்டுக்கு உருவாக்கப்பட்டது.
4. குக்கிங் ரேன்ஜ்… கிளாஸ் டாப் மற்றும்  `அவன்’ சேர்ந்தேயிருக்கும் இந்த மாடலும், ஹோட்டல்களில் பயன்படுத்தக்கூடியது.

5. பர்னர் அலாய் மெட்டீரியலால் ஆன கிளாஸ் டாப் மாடல், இன்னொரு வகை.

6. அடுத்ததாக ஏர் மற்றும் ஏர் ப்ளஸ் ஸ்டவ் மாடல். இதில் கிளாஸ் பிளேட் மட்டும் இருக்கும். அதில் இரண்டு பர்னர்கள், அதனைக் கட்டுப்படுத்த ரெகுலேட்டர் கிளாஸ் மேலேயே கொடுக்கப்பட்டிருக்கும். கீழே நான்கு முனைகளிலும் இருக்கும் ஸ்டாண்டு, சுத்தம் செய்யும் மற்றும் பராமரிக்கும் வேலையை எளிதாக்கும். இது வீட்டு உபயோகத்துக்கு பயன்படுத்தக்கூடியது.
இந்த மாடல்களில், இரண்டு, மூன்று, நான்கு பர்னர்கள் வரைக் கிடைக்கும். தேவையைப் பொறுத்து தேர்ந்தெடுத்துக்கொள்ளலாம். அதேபோல ரெகுலேட்டர் ஆட்டோ இக்னிஷன் எனும் லைட்டர் இல்லாமல் ஸ்டவ்வை ஆன் செய்யும் மாடல் மற்றும் லைட்டர் உதவியுடன் அடுப்பைப் பற்றவைக்கும் மேனுவல் மாடல் என்ற வகைகளிலும், தேவையானதைத் தேர்ந்தெடுத்துக்கொள்ளலாம்.

எந்த வகை அடுப்பை வாங்கினாலும், சிறப்பம்சங் களைவிட அதன் பாதுகாப்பு அம்சங்களுக்கு முக்கியத்துவம் கொடுக்கவும். அதனை எப்படி, எத்தனை நாட்களுக்கு ஒருமுறை சுத்தம் செய்ய வேண்டும் என்பதை கேட்டு அறிந்துகொள்வதும் அவசியம். பிராண்டட் அடுப்புகள் 1,700 ரூபாயில் இருந்து 30,000 ரூபாய் வரை கிடைக்கின்றன.

உங்கள் சூப்பர் கிச்சனுக்கான ஸ்மார்ட் ஸ்டவ் மாடலைத் தேர்ந்தெடுத்துவிட்டீர்களா?!


ஸ்டவ்… டிப்ஸ்! 

1. அடுப்பு சற்றே உயரமான இடத்தில், சுவரை ஒட்டி இருக்க வேண்டும்.

2. அடுப்பு மீது நீரை நேரடியாக ஊற்றக்கூடாது.

3. சிலிண்டரைப் படுக்க வைக்கக் கூடாது.

4. கிளாஸ் பிளேட் பொருந்திய அடுப்புகளில் பர்னர் பக்கத்தில் உள்ள இடத்தில் சூடான பாத்திரத்தை வைக்கக் கூடாது.

5. காஸ் டியூப்பை பிராண்டடாக வாங்குவதுடன், குறிப்பிட்ட கால இடைவெளியில் மாற்ற வேண்டும்.

6. சுத்தம் செய்யும்போது பர்னரில் கூர்மையான பொருட்களைக்கொண்டு குத்தக் கூடாது.

7. பொதுவாக, பர்னர் கனமாக இருக்கும் ஸ்டவ் மாடலாகப் பார்த்து வாங்கவும்!

வெள்ளத்தில் கார்/பைக் சிக்கினால்… இந்த 16 விஷயங்களை மனதில் கொள்ளுங்கள்!

வெள்ளத்தில் கார்/பைக் சிக்கினால்… இந்த 16 விஷயங்களை மனதில் கொள்ளுங்கள்!
‘மழைத் தண்ணியில வண்டி ஓட்டுறது செமையா இருக்கு மச்சான்…’’ என்று புளகாங்கிதம் அடைபவரா நீங்கள்? அப்படியெனில், இந்தக் கட்டுரை உங்களுக்காகத்தான்.
 
‘‘ஏரியா இருந்ததெல்லாம் ஏரியாவா மாறி, மறுபடியும் ஏரியா மாறிடுச்சு!’’ என்று ஃபேஸ்புக், வாட்ஸ் அப்களில் கவிதை எழுதுவதைக் கொஞ்சம் நிறுத்திவிட்டு, இதைக் கொஞ்சம் படியுங்கள். கார்/பைக் விஷயங்களில் மழை வெள்ளத்திடம் ஈரத்தை எதிர்பார்க்க முடியாது. சிக்கிவிட்ட உங்கள் வாகனத்தை வெள்ளத்திடம் இருந்து காப்பாற்ற… மழை நேரங்களில் கவனமாக வாகனத்தைச் செலுத்த இதோ சில டிப்ஸ்…


பைக் ஓட்டிகளுக்கு…
 
1. வாகனங்களுக்கு முதல் சிம்ம சொப்பனமே தண்ணீர்தான். அதுவும் சைலன்ஸருக்கும் தண்ணீருக்கும் சுத்தமாக ஆகாது. எனவே, சைலன்ஸர் மூழ்கும் அளவு உள்ள நீர்ப் பகுதிகளில், ‘‘கொஞ்ச தூரம்தானே.. அப்படியே ஓட்டிடலாம்’’ என்று நினைத்தீர்கள் என்றால், இன்ஜினுக்கு கண்டம். அதன் காரணமாகவே இப்போது சைலன்ஸர் உயரமாக உள்ள பைக்குகள் வர ஆரம்பித்துவிட்டன. லேட்டஸ்ட் யமஹா, ஹோண்டா, சுஸூகி பைக்குகளுக்கு எல்லாமே இப்போது சைலன்ஸர் உயரமாக வடிவமைக்கப்பட்டுள்ளது. புதிதாக பைக் வாங்க இருக்கிறீர்கள் என்றால், அதைக்கூட நீங்கள் பரிசீலிக்கலாம். 

2. மழை வெள்ளத்தில் பார்க்கிங் செய்யப்பட்ட கார்/பைக்குகளை, வெள்ளம் வடிந்தபிறகு, ஸ்டார்ட் செய்யவே கூடாது. முடிந்தால், பெட்ரோலையும் காலி செய்வது சாலச் சிறந்தது. சர்வீஸ் சென்டருக்குக் கொண்டு செல்வதுதான் பெஸ்ட்.

3. மழை நேரங்களில் மட்டுமல்ல; வெயில் நேரங்களிலும் ஸ்பார்க் ப்ளக்கைக் கழற்றிச் சுத்தம் செய்துவிட்டு பொருத்துவது நல்ல பலன் தரும்.

4.ஸ்பார்க் ப்ளக் எக்ஸ்ட்ரா ஒன்றை எப்போதுமே டூல் கிட்டில் வைத்துக்கொள்வது இன்னும் பெஸ்ட். பைக்குகளின் ஸ்பார்க் ப்ளக் விலை 90 முதல் 100 ரூபாய்தான்.

5. செயின் கார்டு உள்ள பைக்குகளில் பிரச்னை இல்லை. நேக்கட் பைக்குகளில் செயின் ஸ்பிராக்கெட்டுகள் ‘கார்டு’ இல்லாமல், ஓப்பனாகவே இருக்கும். இவை ஓரளவு பிசுபிசுப்புத்தன்மையுடன் இருந்தாலும், மழை நேரங்களில் மெக்கானிக்குகள் மூலம் ‘செயின்  ஸ்ப்ரே’ செய்து கொள்வது நல்லது.

6. மழை நேரங்களில் பெட்ரோல் டேங்க்கில் மிகவும் கவனம் தேவை. என்னதான் டேங்க் மூடி நன்றாக கவர் செய்யப்பட்டிருந்தாலும், ஓரம் வழியாக சில சொட்டு நீர்த்துளிகள் பெட்ரோல் டேங்கினுள் கலக்க வாய்ப்புள்ளது. பெட்ரோலில் தண்ணீர் கலந்து விட்டால், ஸ்பார்க் ஏற்படுவதில் பிரச்னை ஏற்பட்டு… வழியில் ஆஃப் ஆகி… (இன்ஜின் ஸ்டாப்) வேறென்ன..? ஸ்டார்ட்டிங் டிரபுள்தான்!


கார் ஓட்டிகளுக்கு…
 
1. பைக்கைவிட, வெள்ளத்தின் பாதிப்பு கார்களுக்குத்தான் அதிகம். இதிலும் சைலன்ஸர்/ஏர் இன்டேக்குக்குள் தண்ணீர் புகாத வரை எல்லாமே ஸ்மூத்தான். வேறு வழியில்லை என்றால், முதல் கியரில் 1,200 முதல் 1,500 ஆர்பிஎம்-முக்குள் குறைவான வேகத்திலேயே மெதுவாகச் சென்று வெளியேறுங்கள். 

2. அதிக தண்ணீருக்குள் இருக்கும்போது கார் ஆஃப் ஆகிவிட்டால், காரை ஸ்டார்ட் செய்யாதீர்கள். இது கனெக்டிங் ராடுகளில் பிரச்னை ஏற்படுத்தி, மிகப் பெரிய செலவுக்குக் கைகாட்டி விடும். தள்ளிச் செல்வதுதான் பெஸ்ட்.

3. வெள்ள நேரங்களில் எங்கெங்கு, எத்தனை அடி பள்ளம் ஏற்படும் என்பது மாநகராட்சியினருக்குக்கூடத் தெரியாது. கார்களில் சென்று சின்னப் பள்ளங்களில் விழுந்தால்கூட, சேதாரம் கொஞ்சம் அதிகமாகத்தான் இருக்கும். வீல்கள் அடிவாங்குவதோடு இன்ஜின் சம்ப், சேஸி, பம்பர் பகுதிகள் நிச்சயம் அடி வாங்கும். 

4. பிரீமியம் கார்களில் பிரச்னை இல்லை; ஹேட்ச்பேக் கார்களில் முன் பக்க விண்ட்ஷீல்டில் என்னதான் வைப்பர் பயன்படுத்தினாலும், மழை நேரங்களில் விசிபிளிட்டி அவ்வளவாக இருக்காது. வெளியே நிறுத்தப்பட்ட காரை எடுக்கும்போது, உடனே வைப்பர் பயன்படுத்துவதால், விண்ட் ஷீல்டுகளில் ஸ்க்ராட்ச்கள் ஏற்படுவதுடன், மழை நேரங்களில் இது மிகப் பெரிய சிக்கலை ஏற்படுத்திவிடும். எனவே, டிஷ்யூ பேப்பர், மைக்ரோ ஃபைபர் துணி அல்லது நல்ல வளவளப்பான நியூஸ் பேப்பரைக் கொண்டு அழுந்தத் துடைத்துவிட்டு வைப்பர் பயன்படுத்துவது பெஸ்ட்.

5. மழை நீர், கார்களில் பெரும்பான்மையாக கை வைப்பது எலெக்ட்ரானிக் பாகங்களில்தான். எனவே, ஜன்னலை மூடிவிட்டு, ஏ.சியை ஆன் செய்யாமல் பயணிப்பதுகூட நல்லதுதான்.

6. எலெக்ட்ரானிக் விஷயங்கள் எவ்வளவு ஆபத்து என்பதற்கு ஓர் உதாரணம்: சென்னை டிராஃபிக்கில் வெள்ளத்தில் சிக்கிக்கொண்ட ஒருவர், காரை ஐடிலிங்கில் விட்டு, ஏ.சியை ஆன் செய்துவிட்டுத் தூங்க ஆரம்பித்து விட்டார். எக்ஸாஸ்ட் வழியாக வெளியேற முடியாத காற்று, உள்ளுக்குள்ளேயே சுழன்று தீப்பிழம்பை ஏற்படுத்த, கார் தீப்பிடித்து உயிரை இழந்திருக்கிறார் ஓர் அப்பாவி.

7. பவர் விண்டோஸ் பட்டனும் எலெக்ட்ரானிக் சம்பந்தப்பட்ட விஷயம் என்பதால், இதிலும் கவனம் தேவை. கார் முழுவதும் மூழ்கிய நிலையில் உள்ளே மாட்டிக் கொண்டால், பின் பக்க விண்ட்ஷீல்டை உடைத்து வெளியே வருவது நல்லது. கண்ணாடியை விட, உயிர் முக்கியம் இல்லையா?

8. மழையில் நிறுத்தப்பட்ட காரை, மறுநாள் ஸ்டார்ட் செய்து உடனே ஆக்ஸிலரேட்டரை மிதித்து, அவசர அவசரமாகக் கிளம்புவதைத் தவிருங்கள். எப்போதுமே காரை ஸ்டார்ட் செய்துவிட்டு, ஐடிலிங்கில் சிறிதுநேரம் வைத்திருந்தபிறகு கிளம்புங்கள். டர்போ சார்ஜர், பெட்ரோல் மிக்ஸிங் என்று எல்லாமே அப்போதுதான் சீராக நடக்கும்.

9. மெக்கானிக் பாகங்களுக்கு ஏதும் பிரச்னை வராதா என்று நீங்கள் கேட்பது புரிகிறது. ஸ்டீயரிங், கியர்பாக்ஸ், கிளட்ச், பிரேக், ஹேண்ட்பிரேக் போன்றவை ஜாம் ஆக வாய்ப்புண்டு. எனவே, கிளம்பும் முன் இவற்றை நன்றாக பரிசோதித்து விட்டுக் கிளம்புவது நல்லது.

10. ரொம்ப முக்கியமான விஷயம் – ஈரமான சாலைகளில் வேகம் வேண்டாமே!

இனி இண்டர்நெட் இல்லாமலே கூகுளிடம் வழி கேட்கலாம்!

இனி இண்டர்நெட் இல்லாமலே கூகுளிடம் வழி கேட்கலாம்!


ஆனால் தங்கு தடையற்ற இணைய இணைப்பு, அதன் வேகம் போன்றவை இடத்துக்கு இடம் மாறுபடுவதால் ‘ஆஃப்லைன் ஃபர்ஸ்ட் மொபைல் டெவெலப்மெண்ட்’ உலகளவில் ட்ரெண்ட் ஆகி வருகிறது. இதன் ஒரு பகுதியாக கூகுள் தன் மேப்ஸ் சேவையை, மொபைல் இணையத்துடன் இணைக்கப்படாமல் இருக்கும்போதும் பயன்படுத்த ஏதுவாக மாறுதல்கள் செய்துள்ளதாக, கடந்த வாரம் அறிவித்தது. தற்போது ஆன்ட்ராய்ட் பயனர்களுக்கும், கூடிய விரைவில் ஐஃபோன் பயனர்களுக்கும் இச்சேவை கிடைக்கும்.


இதுகுறித்து கூகுள் மேப்ஸ் டைரக்டர் சுரேன் ருஹேலா கூறுகையில், “டர்ன் பை டர்ன் நேவிகேஷன் வசதியை தற்போது ஆஃப்லைனிலும் கிடைக்குமாறு செய்துள்ளோம். இதனால் வீட்டிலிருந்து கிளம்பும்போதே குறிப்பிட்ட இடத்தினுடைய மேப்ஸ் டேட்டாவை டவுன்லோட் செய்து கொள்ளலாம். அதோடு அந்த இடத்திலுள்ள முக்கியமான இடங்கள், நேவிகேஷன் டைரக்‌ஷன்கள் போன்றவையும் டவுன்லோட் ஆகிவிடும். பின்னர் ஆஃப்லைனில் மேப்ஸை பயன்படுத்திக் கொள்ளலாம். இதன்மூலம் இந்தியர்கள் வெகுவாகப் பயனடைவார்கள் என நம்புகிறோம்” என்றார்.  

உதாரணமாக நீங்கள் திருச்சியிலிருந்து சென்னைக்கு கிளம்புகிறீர்கள். மொபைலில் வீட்டிலுள்ள வைஃபை கனெக்‌ஷனை பயன்படுத்துகிறீர்கள் என்றால், சென்னையில் நீங்கள் செல்ல வேண்டிய இடத்தை ‘search’ பாரில் தேடி ‘டவுன்லோட்’டை க்ளிக் செய்து தரவிறக்கிக் கொள்ளலாம். மாற்றாக மேப்ஸ் மெனுவில்  ’Offline Areas’க்கு சென்று ’+’ பட்டனை க்ளிக் செய்தும் டவுன்லோட் செய்துகொள்ளலாம். பின்னர் சென்னையில் இணைய வசதி இல்லாமலே மேப்ஸ் உங்களுக்கு வழிகாட்டும். 

அதுமட்டுமல்லாது ஆன்லைனில் இருக்கும்போது குறிப்பிட்ட இடத்தில் நிலவும் லைவ் ட்ராபிக் பற்றியும் தெரிந்துகொள்ளலாம். மொபைல், வைஃபையோடு இணைக்கப்பட்டிருக்கும்போது தானாகவே மேப்ஸ் அப்டேட் செய்து கொள்ளும்.

Nov 9, 2015

2017ல் விமானங்களின் மூலம் டோர் டெலிவரி :


ஏற்கனவே கூகுள் அதன் பலூன் சேவையின் மூலம் உலகளாவிய முறையில் அனைவருக்கும் வை-பை கிடைக்கும் வழியினை அறிமுகப்படுத்தும் முயற்சியில் மூழ்கிக்கொண்டு வருகிறது. தற்போது கூகுள் அதன் விமானக வழி டோர் டெலிவரி அமைப்பை 2017க்குள் கொண்டுவரும் முயற்சியில் உள்ளது.இதன்மூலமாக இந்த ஆளில்லா விமானத்தின் உதவி கொண்டு இணையத்தில் ஆர்டர் செய்யும் பொருள்களை 30 நிமிடங்களில் பயனர்களின் கைக்கு கொண்டு சேர்க்கும் அம்சத்தை தர உள்ளது. இந்த ஆளில்லா விமானம் உள்நாட்டிலயே கூகுளால் உருவாக்கபட்டது.கூகுளின் இந்த விங் திட்டம் முதன் முதலாக டோர் டெலிவரியை அதிகாரப்பூர்வமாக விண்ணில் செலுத்திய முதல் நிறுவனமாகும். “இந்த திட்டத்தின் மூலம் 2017 ல் வணிக வர்த்தகத்தை ஒரு படி முன்னேற்றி கொண்டுபோவதே எங்கள் குறிக்கோள்” என இத்திட்டத்தின் தலைவர் திரு.டேவிட் கூறியுள்ளார்.

Google -ன் ட்ரோன் விநியோக திட்டத்தை நாம் கேள்விப்படுவது இது புதிதாக இருக்காது ஏற்கனவே 2014-இல் இதைப்பற்றிய அறிவிப்பை கூகுள் அறிவித்திருந்தது. அதன் ஆரம்ப வேலையாக சொந்தமாக விமானம் கட்டப்பட்டு அதன் சோதனை ஓட்டம் பார்க்கப்பட்டது.கூகுளின் இந்த சேவை எங்கெங்கு இருக்கபோகிறது ? எந்த மாதிரியான தயாரிப்புகளை வழங்க உள்ளன போன்ற தகவல்களை பற்றி எதுவும் கூறவில்லை.

BBC யிலிருந்து வந்த அறிக்கையின் படி கூகுளின் ஆளில்லா விமானம் 2.3Kg பொருள்களை 30நிமிடங்களில் கொண்டு வந்து சேர்க்கும் என கூறியுள்ளனர்.கூகுளின் திட்டத்திற்கு பச்சைக் கொடி பெற்று விட்டால் அடுத்த கட்டமாக அமேசான் , அலிபாபா போன்ற வணிக தளங்களும் இத்திட்டத்தை மேற்கொள்ளும் .இத்திட்டத்தால் கடற்கரை மற்றும் மலைப் பகுதிகளிடையே வசிக்கும் மக்கள் தாங்கள் ஆர்டர் செய்த உடனே அரை மணி நேரத்திற்குள் வீட்டு வாசலுக்கு வந்த ஆர்டர் செய்த பொருள்களை பெரும் அதிசயத்தை நுகரலாம். இதனால் அவசர கால மருத்துவ விநியோகம் போன்றவற்றிற்கு பயனுள்ளதாக அமையலாம் .2017இல் ஆளில்லா விமானத்தைக் கொண்டு மின்னணு விநியோகம் ஒரு முன்னேற்றத்தினை காணும் என நம்பலாம்.

​இணைய நிரல் பொறியாளர்களுக்கான ​ சிறந்த ​10 PHP Frameworkகள்

​இணைய நிரல் பொறியாளர்களுக்கான ​ சிறந்த ​10 PHP Frameworkகள்



உலகில் உள்ள இணையதளங்களில் 82% தளங்கள் PHP நிரல் மொழியில் தான் எழுதப்பட்டுள்ளன. C நிரல் மொழி தெரிந்த எவரும் PHP கற்றுக் கொள்ளலாம்.

MVC Framework என்றால் என்ன?

Model – View – Controller எனும் வகையில் ஒரு நிரல் மொழியில் எழுதப்படும் நிரல்களை ஒரு குறிப்பிட்ட வரையரைப் படுத்தி எழுதுவது MVC Framework எனப்படும்.உங்கள் PHP நிரலில் உள்ள Design சம்பந்தப்பட்ட நிரல்களை தனியாக View எனும் பகுதியிலும், Database சம்பந்தப்பட்ட வரையறைகளை Model எனும் பகுதியிலும், Features சம்பந்தப்பட்ட நிரல்களை Controller எனும் பகுதியிலும் தனித் தனியாக எழுத வைக்கும் நிரல் முறை ஆகும்.

இதனால், எதிர்காலத்தில் உங்கள் இணைய தளத்தின் டிசைன்ஐ மட்டும் மாற்ற வேண்டும் என நினைத்தால் எளிதில் View பகுதியில் உள்ள நிரலை மட்டும் மாற்றினால் போதும்.பொதுவாக MVC Frameworkகளின் மூல நிரலில், இணையத்தில் வரும் XSSபோன்ற தாக்குதல்களை தடுக்கும் வகையில் பாதுகாப்பு நிரல் தானாகவே எழுதப்பட்டு இருக்கும். நீங்கள் தனியாக Input Condition Checking, XSS filtering, SQL injection prevention நிரல்களை ஒவ்வொரு முறையும் எழுதத் தேவையில்லை.

சுருக்கமாகச் சொன்னால், நேரடியாக PHPயில் எழுதுவது என்பது வடிவேலுவிடம் லொசக், மோசக், பசக் என கராத்தே கற்பது, MVC Frameworkஇல் எழுதுவது என்பது ஜாக்கி ஜானிடம் சம்மர் கோச்சிங்கில் கராத்தே கற்பது போன்றதாகும். டெக் தமிழ் தலத்தில் PHP கற்றவர் எவரும் எளிதாக எந்த ஒரு MVC PHP Frameworkஐயும் கற்கலாம்.
  1. Yii –  – அதி வேகமான PHP MVC Framework, Blaze நிறுவனத்தில் அதிக நிரல்கள் இதில் எழுதுவோம்.
  2. CakePHP – – நாங்கள் அதிகமாக இதிலும் இணைய தளம் எழுதுவோம்.
  3. Zend – – ​PHP​ மூல நிரலையே Zend தான் நிர்வகிக்கிறார்கள்.. ​
  4. ​Symfony – –  நல்ல எளிமையான Framework
  5. CodeIgniter – –  அதிக PHP நிரலாளர்கள் இதில் எழுதுகிறார்கள்.
  6. Slim – –  இது பற்றி எனக்கு தெரியாது
  7. Phalcon – – இது பற்றி எனக்கு தெரியாது
  8. Kohana – – இது பற்றி எனக்கு தெரியாது
  9. Laravel ​​ –  இதுவும் தரமான Framework​
  10. PHP Mini

Jul 31, 2015

எல்லோரும் அவர கவிதையா சொல்றாங்க,அவர் வரலாறு சொல்றாங்க....!


எல்லோரும் அவர கவிதையா சொல்றாங்க,அவர் வரலாறு சொல்றாங்க....!
அவர் போட்டோ போட்டு சொல்றாங்க...!
நான் இயல்பா பேசி சொல்றங்க....!!
முகநூல்ல,
எங்கு பார்த்தாலும் ‪#‎அப்துல்கலாம்‬ ஐயாவோட முகம்,கண்ணீர் அஞ்சலி வார்த்தைகள், டி.வி.சேனல்கள்ல அவர பற்றின பல தொகுப்புகள்...!
சரி..என அவரோட நிகழ்வுகள் கொண்ட வீடியோக்கள் ஒவ்வொண்ணா அப்லோட் பண்ணி,பார்த்துட்டே வந்தேன்...!
அவர் முகம்,
பேச்சுகள்,நாட்டின் மேல் வைத்த அக்கறை,குழந்தைகள் மேல் வைத்த பாசம்...என...,,,,,,,,
என் கண்ணில் கண்ணீர் வருவதை என்னாலயே தடுக்க முடியல...
ஒரு பேட்டியில ...அவர்கிட்ட கேட்ட கேள்வி...
,"..ஐயா...நீங்க ஒரு விஞ்ஞானி, குடியரசு தலைவர்,அறிவியல் கண்டுபிடிப்பாளர்,என பன்முகம் கொண்டிருக்கீங்க..உங்களுக்கு பிடிச்ச பணி எது...??
அதுக்கு..
அவர்....""ஆசிரியர் பணி"" ..தான் எனக்கு பிடிச்ச பணி என சொன்னார்....!
இவர் போல ஓர் ஆசிரியர் கிட்ட படிச்ச அத்தனை மாணவர்களும் வைரமா ஜொலிப்பாங்க என்பது மட்டும் நிச்சயங்க....!!
அவர் இந்த உலகத்த விட்டு உயிர் நீத்த சமயத்தில்....!
எங்கோ ஓர் இடத்தில் பிள்ளைகள் பிறந்திருப்பாங்க...!
அதில் ஏதோ ஒரு பிள்ளையா நம்மோட அப்துல்கலாம் ஐயா பிறந்திருப்பார்.....!
என நான் நம்புறேங்க...!
நன்றிங்க.....‪#‎முத்துமுத்து‬

தமிழர்கள் அனைவரும் பெருமை படவேண்டிய சம்பவம்

தமிழர்கள் அனைவரும் பெருமை படவேண்டிய சம்பவம்

ஒரு ஒரு இந்திய குடி மகனும் மறக்காமல் தெரிந்து கொள்ள வேண்டியது


ஒரு ஒரு இந்திய குடி மகனும் மறக்காமல் தெரிந்து கொள்ள வேண்டியது.........................
குடியரசு முன்னாள் தலைவர் அப்துல் கலாமின் உடலுக்கு 96 வயது ஏர்மார்ஷல் அர்ஜான் சிங் தள்ளாத வயதிலும் நேரில் வந்து அஞ்சலி செலுத்தினார்.ஆனால் நமது முதலமைச்சர் செல்வி ஜெ.ஜெயலலிதா அவர்களுக்கு மட்டும் உடல்நிலை குறைவால் இறுதி அஞ்சலியில் கலந்துகொள்ள முடியவில்லை என்று அறிக்கை விடுத்துள்ளார்.நம் தமிழ்நாடு வளராதவதற்கு காரணம் இப்படி பட்ட முதலமைச்சர்கள் இருப்பதால்தான் மக்களே................................

கலாமிற்க்கு முன் !!

கலாமிற்க்கு முன் !!
வையத்துள் வாழ்வாங்கு வாழ்பவன் வான் உறையும்
தெய்வத்துள் வைக்கப் படும்
கலாமிற்க்குப் பின் !!
வையத்துள் வாழ்வாங்கு வாழ்ந்தவன் கலாமென்றே
இனி காலத்தால் அறியப்படும் !!
கலாம்
மனிதர் அல்ல
மந்திரம்
கலாம்
இறந்தநாளல்ல
இன்று
கனவுகளின் பிறந்த நாள் !!
பாப்பாரப்பட்டி நாகராஜன்
ஜூலை 30 2015

ஏவுகணை மூலம் மல்லிகைப்பூவை அனுப்பி சமாதானமும் செய்யலாம்’ அப்துல்கலாமின் வார்த்தையை நினைவுகூர்ந்த நேர்முக உதவியாளர்




‘ஏவுகணை மூலம் அணு ஆயுதம் மட்டுமல்ல, மல்லிகைப் பூவை அனுப்பி சமாதானமும் செய்யலாம்’ என்று அப்துல்கலாம் அடிக்கடி கூறியதை அவரது நேர்முக உதவியாளர் நினைவுகூர்ந்தார்.

அப்துல்கலாமின் உதவியாளர்

சென்னை அண்ணா பல்கலைக்கழகத்தில் அப்துல்கலாம் கவுரவ பேராசிரியராக பணியாற்றியபோது அவருக்கு பல்கலைக்கழகம் சார்பில் நேர்முக உதவியாளராக நியமிக்கப்பட்டவர் எஸ்.பாபு. அண்ணா பல்கலைக்கழகத்தில் நேற்று நடந்த அஞ்சலி செலுத்தும் நிகழ்வில் எஸ்.பாபு பேசியதாவது:-

மாணவர்களின் உயர்வையும், நம் தேசத்தின் உயர்வையும் எப்போதும் நினைத்து 84 வயதிலும் ஓய்வின்றி உழைத்த அப்துல்கலாமின் இழப்பு நம்மை அதிர்ச்சிக்கு உள்ளாக்கி உள்ளது. தினசரி காலை 4½ மணிக்கு எழுந்து பகவத்கீதை, குரான் படிப்பார். 5 மணி முதல் 6½ மணி வரை பல்கலைக்கழக வளாகத்தில் நடைபயிற்சியில் ஈடுபடுவார். 

அப்போது மாணவர்கள் குறுக்கிட்டு சந்தேகங்களை கேட்டால் உடனடியாக பதிலளிப்பார். பாதுகாவலர்கள் தடுத்தாலும், மாணவர்கள் கேள்வி கேட்பதை தடுக்காதீர்கள் என்று கூறுவார்.

ஏவுகணை

ஏவுகணை மூலம் அணு ஆயுதங்களையும் அனுப்ப முடியும், சமாதானத்துக்காக மல்லிகைப் பூவையும் அனுப்ப முடியும் என்று அடிக்கடி மாணவர்களிடம் அவர் கூறுவார். காலை உணவை முடித்துக் கொண்டு பல்கலைக்கழகத்தில் அவருக்கான அறைக்கு சென்று பணியாற்றுவார். சில நேரங்களில் பகல் உணவை கூட சாப்பிடமாட்டார். தொடர்ந்து இரவு 12 மணி வரை பணியாற்றுவார். 

பல்கலைக்கழக விருந்தினர் அறையில் அப்துல்கலாம் தங்கியிருந்தபோது தான், அப்போது பிரதமராக இருந்த வாஜ்பாய் தொலைபேசியில் ‘நீங்கள் ஜனாதிபதி வேட்பாளராக நிறுத்தப்பட உள்ளீர்கள்’ என்ற செய்தியை கூறினார். அதற்கு அவர் தன்னுடன் பணியாற்றும் பேராசிரியர்கள், விஞ்ஞானிகள், நண்பர்கள், உறவினர்களுடன் கலந்துபேசி பின்னர் அறிவிப்பதாக கூறினார். அதனை நினைக்கும்போது இப்போதும் எங்களுக்கு மெய்சிலிர்க்கிறது.

இவ்வாறு அவர் பேசினார். 

எளிமையான மனிதர்

அப்துல் கலாமின் கார் ஓட்டுனர் வி.பாலாஜி கூறும்போது, ‘‘மிகவும் எளிமையான மாபெரும் விஞ்ஞானியை நாம் இழந்துவிட்டோம். அவருடன் 11 மாதங்கள் கார் ஓட்டுனராக பணியாற்றிய அனுபவம் என் வாழ்க்கையில் மறக்க முடியாத அங்கமாகிவிட்டது. அவரிடமிருந்து ஒழுக்கம், கட்டுப்பாடு, நேர்மை, சாலை விதிகளை மதிப்பது போன்ற வாழ்க்கைக்கு தேவையான அனைத்து விஷயங்களையும் கற்றுக்கொண்டேன்’’ என்றார்.

பல்கலைக்கழக ஆராய்ச்சி மாணவி ஜோதி கூறும்போது, ‘‘அப்துல் கலாம் எழுதிய ‘அக்னி சிறகுகள்’ புத்தகத்தை படித்து தான் அவரை போன்று ஒரு விஞ்ஞானியாக வரவேண்டும் என்ற ஆர்வத்தில், தற்போது ஆராய்ச்சி துறையில் மாணவியாக பயின்று வருகிறேன். அவர் நம்மிடம் தான் வாழ்ந்து வருகிறார்’’ என்றார்.

ஆராய்ச்சி மாணவர் ஜெனீக்ஸ் ரினோ உள்ளிட்ட சிலர் அப்துல்கலாம் மறைவையொட்டி கவிதைகளை வாசித்தனர்.

தமிழர்கள் அனைவரும் பெருமை படவேண்டிய சம்பவம்

தமிழர்கள் அனைவரும் பெருமை படவேண்டிய சம்பவம் தமிழரின் மறைவுக்கு அமெரிக்கா வெள்ளைமாளிகையில் அரைக்கம்பத்தில் கொடி பறக்கவிடப்பட்டுள்ளது

ஐந்து பேருக்காவது எழுதப் படிக்கக் கற்றுக்கொடுங்கள் !

ஐந்து பேருக்காவது எழுதப் படிக்கக் கற்றுக்கொடுங்கள் !
"முதியோர்கள் ஒரு நாட்டின் சொத்து. அவர்களைக் கைவிட்டுவிடாதீர்கள். மாணவர்களின் முதல் கடமை... படிப்பது. இரண்டாவது கடமை... படிக்கச் சொல்லிக் கொடுப்பது. விடுமுறை தினங்களில் ஐந்து பேருக்காவது எழுதப் படிக்கக் கற்றுக்கொடுங்கள். மூன்றாவது... சேவை!
ஒவ்வொருவருக்கும் இரண்டு இதயங்கள் இருக்கின்றன. ஒன்று, உயிரியல் இதயம். இரண்டாவது, இரக்கமுள்ள இதயம். மருத்துவமனைகளுக்குச் சென்று சேவையாற்றுங்கள். அப்போதுதான் உங்களுக்குள் இருக்கும் இரக்கம் உள்ள இதயம் துடிப்பதை உணர முடியும்''
இவ்வாறு சொன்னவர் அப்துல் கலாம் .....

மாமனிதனின் அப்துல்கலாம் ஜனாதிபதி ஆன கதை.



மாமனிதனின் அப்துல்கலாம் ஜனாதிபதி ஆன கதை.
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
அப்துல்கலாம் என்ற மாமனிதன் பாரதத்தின் குடியரசு தலைவராக ஆனதை நாம் அறிவோம் ஆனால் அது நடந்தது எப்படி என்பதையும் சேர்த்து தெரிந்து கொண்டால் நல்லது தானே. இதோ அதன் பின்னணி தகவல்கள்.

(இவர்களை பாராட்டு விதமாக இந்தத் தகவலை பகிரவும்)

2002ல் ஜனாதிபதி தேர்தல் வருகிறது என்பதை உணர்ந்த ஒரு இளம் பாஜக வக்கீலின் மனது பாஜகவை சார்ந்த நம்மவர் யாரையும் கொண்டு வர முடியாதே என துடிக்கிறது. பாஜகவால் போதிய பலத்துடன் தனது சொந்த வேட்பாளரை நிறுத்தி வைக்க முடியாத அரசியல் சூழ்நிலை. 23 கட்சிகளின் கூட்டணியும் அந்தரத்திலேயே தொங்கிக் கொண்டு இருந்தது. என்னதான் மக்களவையில் பலம் இருந்தாலும் மாநிலங்கள் அவையிலும், பிற மாநிலங்களிலும் பாஜகவால் பெரிதாக தங்களுக்கான ஆதரவை உருவாக்க முடியாதகாலக்கட்டம். அப்போதுதான் அந்த 30 வயது வழக்குரைஞரின் மனதில் இந்த யோசனை தோன்றியது. போக்ரான் அணுகுண்டு சோதனை மற்றும் ஏவுகணை நாயகனும், தலைசிறந்த சமூக சிந்தனையுடன் கூடிய முஸ்லீமுமான டாக்டர் அப்துல்கலாமை ஜனாதிபதி ஆக்கினால் என்ன என்று. 2 சக்கர வாகனத்தில் வேகமாக சென்று கொண்டு இருந்த அவன் வண்டியை பிரேக் அடித்து தனது செல்போனில் கட்சியின் மாநில சட்டசபைத் தலைவராக அன்று இருந்த திரு. கே.என். லட்சுமணன் அவர்களை அழைக்கிறான். தனது மனதில் தோன்றிய எண்ணத்தை காரண காரியங்களுடன் விவரிக்கிறான். அவனது வாதத்தை ஏற்ற கே.என். லட்சுமணன் உடனடியாக அவனிடம் அதை அப்படியே எழுதிக் கொடுக்குமாறு கூறுகிறார். அவனும் உடனடியாக அதை செய்து அவரிடம் நேரில் சென்று வழங்குகிறான். கடிதம் அன்றைய கட்சித்தலைவராக இருந்த தமிழகத்தை சார்ந்த ஜனா. கிருஷ்ணமூர்த்தியிடம் வழங்கப்படுகிறது. அங்கிருந்து அத்வானி-வாஜ்பாய் என பயணப்பட்டு கருத்தொற்றுமை ஏற்ப்படுகிறது.

கலாம் அவர்களிடம் பேசி அவரை ஒப்புக்கொள்ள வைக்க தனிமனித ஒழுக்கத்திலும், புத்திசாலித்தனத்திலும் அவருக்கு இணையான ஒரு மனிதன் வேண்டும் என்ற விதத்தில் அவரிடம் பேசும் பொறுப்பு திரு. எஸ். குருமூர்த்தி அவர்களிடம் வழங்கப்படுகிறது. மாயக்கண்ணனை போல ஒரு புன்முறுவலுடன் எதையும் சாதிக்கும் திரு. குருமூர்த்தி பேசினால் கலாம் வேண்டாம் என்றா சொல்ல முடியும். அவரும் சம்மதிக்கிறார். காங்கிரசின் திட்டத்தை முறியடிக்க மூலயாம் சிங் யாதவின் உதவியை நாடுவதாக திட்டமிடப்படுகிறது. அப்துல்கலாம் அவர்களை ஜனாதிபதி ஆக்குவது பாஜகவின் திட்டமில்லை, மூலயாம் சிங்கின் திட்டத்தை பாஜக ஏற்பது போன்ற ஜோடனை உருவாக்கப்படுகிறது. மூலயாம் முன்மொழிகிறார், பாஜக வழிமொழிகிறது… ஒரு மாமனிதனின் உச்சம் தொட்ட கதை இது.

காங்கிரஸ் தனது தரப்பில் முன்னாள் மஹாராஷ்டிர கவர்னராக இருந்த அலெக்சாண்டர் அவர்களை கொண்டு வரத்திட்டமிடுகிறது. நடுவில் லக்ஷ்மி செகால் வந்து முளைக்கிறார். ஆக இந்தத்திட்டம் முறியடிக்கப்பட்டு பெரும் ஆதரவுடன் டாக்டர் அப்துல் கலாம் ஜனாதிபதியாகிறார்.

தமிழன் என்று சொல்லடா... தலைநிமிர்ந்து நில்லடா...

இருவரும் விஞ்ஞானிகள் தான், ஒருவர் மண்ணையும் ஒருவர் விண்ணையும் ஆராய்ந்தனர்..

ஒருவர் தேசத்தின் பாதுகாப்பிற்கும்ஒருவர் மண்ணின் நலனிற்கும் பாடுபட்டவர்கள்
இன்று இருவருமே இவ்வுலகில் இல்லை... ஆனால் அவர்கள் விட்டுச்சென்ற வழித்தடம் அழியவில்லை...


அவர்கள் இருவருமே பாடுபட்டது இளையதலைமுறைக்கும் அடுத்து வரும் தலைமுறைக்கும்தான்....

நாம் அவர்கள் காலத்தில் அவர்களுடனே வாழ்ந்தோம் என்று சொல்லவதில் பெருமையை விட...

அவர்களின் பெருமையை வரும் தலைமுறைக்கும் உணர்த்த அவர்கள் வழி நடப்போம்...என்பதை உறுதிகொள்வோம்


தமிழன் என்று சொல்லடா... தலைநிமிர்ந்து நில்லடா...
தமிழன் என்கிற திமிரு எனக்கும் உண்டு

@தமிழர்கள்

கலாம் பிறந்த நாளை தேசிய மாணவர் தினமாக அறிவிக்க கோரி பிரதமரிடம் விஜயகாந்த் மனு

கலாம் பிறந்த நாளை தேசிய மாணவர் தினமாக அறிவிக்க கோரி பிரதமரிடம் விஜயகாந்த் மனு 


Dr. கலாம் அவர்கள் எழுதிய இந்த சூப்பர் ஹிட் பாடல் யார் யார் கேட்டு இருக்கீர்கள் ? பாருங்கள்.

அப்துல்கலாம் சிற்பம்

* களிமண்ணால் அப்துல் கலாம் உருவம் வடிவமைத்தல்.
* அப்துல்கலாம் சிற்பம்
********************************
அப்துல் கலாம் மறைவையட்டி அவருக்கு அஞ்சலி செலுத்தும் வகையில் பாரதி பூங்கா அருகில் புதுவை சிற்ப கலைஞர் முனுசாமி களிமண்ணால் அப்துல் கலாம் சிற்பத்தை வடிவமைத்த போது எடுத்த படம்.

ராஜபக்சே வருகையின் போது எழுந்து நிற்காத தன்மானச் சிங்கம் அப்துல் கலாம் !!!

ராஜபக்சே வருகையின் போது எழுந்து நிற்காத தன்மானச் சிங்கம் அப்துல் கலாம் !!!

சிவனைப் பற்றி அப்துல் கலாம் கூறியவை

சிவனைப் பற்றி அப்துல் கலாம் கூறியவை :இந்திய விஞ்ஞானிகள் உட்பட கடவுள் துகள் என்ற ஆராய்ச்சியில் உலகத்திலிருந்துபல நூறு விஞ்ஞானிகள் கலந்து கொண்டனர். இந்த ஆராய்சியின் நோக்கம் பூமி எப்படி உருவானதுஎன்பது தான். அதன் அடிப்படையில் விஞ்ஞானிகள் ஆராய்ச்சி மேற்கொண்டனர். உலக நாடுகள் அமெரிக்கா உட்பட மொத்தம் 118 நாடுகள் இந்த ஆராய்சியை மேற்க்கொள்ளக் கூடாது என எதிர்ப்புத் தெரிவித்தனர். ஏனெனில் இந்த ஆய்வை மேற்கொள்ள பூமியை ஆழமாகத் தோண்டும் போது அதனால் பூமிக்கு ஆபத்து வரும் என்று கருதினர். உடனடியாக விஞ்ஞானி அப்துல் கலாம் அவர்கள் அங்கே ஒர் சிவபெருமான் சிலையை அங்கே வைத்து ஆராய்சியை மேற்க்கொள்ளுங்கள் என்று கூறினார், ஏன் என்று மற்ற விஞ்ஞானிகள் காரணம் கேட்க...?! அதற்கு அவர் கூறிய காரணம் சிவபெருமான் நடராஜராக ஆடும் தத்துவமே இந்தஉலகம்mஇயங்குகிறது.மேலும் தமிழ்ப் புராணங்களில் ஒன்றான அகத்தியர் நூலில் அணுவும் நானே அண்டமும் நானே என்று சிவபெருமான் கூறியிருப்பாதக கூறினார். விஞ்ஞானிகள் 1938 ஆம் ஆண்டுதான் அணுவையே கண்டறிந்தனர். அதற்குப் பல கோடி ஆண்டுகளுக்கு முன்பே இந்த கருத்து அகத்தியரால் முன்மொழியப்பட்டதையும் அவர் விளக்கினார், மேலும் இந்த உலகத்தைப் படைத்தது சிவபெருமான் தான் அந்தச் சிலையை வைப்பதால் பூமிக்கு எந்த ஆபத்தும் வராது என்பதையும் கூறினார். அங்கே சிவபெருமான் நடனமாடுவதைப் போல் ஒரு சிலையை வைத்து அந்த ஆராய்ச்சியை வெற்றிகரமாக முடித்து நோபல் பரிசையும் தட்டிச்சென்றுள்ளனர்..முடிந்தவரை இந்த பதிவை பகிரவும்..ஒரு தமிழனாக அப்துல் கலாமை நாம் மதித்தே ஆகவேண்டும்..!
அன்னாரின் ஆத்மா சாந்தியடையட்டும்,..!
இரங்கலுடன் உங்கள் தோழி. Divya Devi

டாக்டர் கலாமின் சுவாரசியமான தகவல்


குருவாயூரப்பன், நலமா இது டாக்டர் கலாம் திருவனந்தபுரத்தில் ஒரு சாதாரண ஓட்டல் உரிமையாளரிடம் உரிமையோடு கேட்ட கேள்வி. ஆம், ஓட்டல் பெயரிலேயே அதன் உரிமையாளரை அழைத்து உரிமை கொண்டாடியவர் டாக்டர் கலாம்.



டாக்டர் கலாம் திருவனந்தபுரம் வி.எஸ்.எஸ்.சி.யில் பணியாற்றிக்கொண்டிருந்த காலத்தில் தம்பானுார் காந்தாரியம்மன் கோயில் பக்கம் உள்ள ஒரு லாட்ஜில் தங்கியிருந்தார். அதன் பக்கத்தில் ஒரு சிறிய ஓட்டல் உண்டு. அதன் பெயர் குருவாயூரப்பன் ஓட்டல். அதை பரமேஸ்வரன் நாயர் என்பவர் இன்னும் நடத்திக்கொண்டிருக்கிறார். இந்த ஓட்டலில்தான் டாக்டர் கலாம் அன்று உணவு சாப்பிட்டது.அது பற்றி பரமேஸ்வரன் நாயர் இப்படி கூறுகிறார்: காலையில் இரண்டு ஆப்பம், ஒரு கப் பால், மதியம் சாதம், தயிர், கூட்டு எடுத்துக்கொள்வார். இரவு சில நாட்கள்தான் சாப்பிடுவார். சில நாட்களில் சாப்பிட்டு விட்டு சிந்தனையில் அப்படியே சென்று விடுவார். நாங்கள் எதுவும் கேட்க மாட்டோம். அடுத்த நாள் வந்து நினைவோடு அந்த பணத்தை தந்து விடுவார். அவர் அறையில் புத்தகங்கள் நிறைந்திருக்கும். யாராவது சென்றால் இருக்க கூட இடம் இருக்காது.

காலங்கள் உருண்டன. அவர் ஜனாதிபதி ஆன பின் ஒரு முறை திருவனந்தபுரம் வந்த போது அவரை பார்க்கும் ஆர்வத்தில் ஒரு பூங்கொத்துடன் சென்றேன். பாதுகாப்பு அதிகாரிகள் என்னை அவர் அருகில் செல்லவிடவில்லை. ஏதோ ஒரு ஆர்வத்தில் கையை துாக்கி காட்டினேன். என்னை பார்த்து விட்ட அவர் என்னை அருகில் அழைத்தார். நான் மரியாதையாக பூங்கொத்தை கொடுத்தேன். 'என்ன குருவாயூரப்பா சவுக்கியமா, சுகமா' என்று அன்போடு கேட்டார்.என்னை ஜனாதிபதி மாளிகைக்கு அழைத்தார். நானும் அவரது அழைப்பை ஏற்று மனைவி லலிதாம்பிகையுடன் சென்றேன். எங்களுக்கு அவர் விருந்தளித்தார். அவர் ஆசையாக அணியும் நீல நிற உடை எடுத்து சென்றோம். அதை வாங்கி விட்டு எங்களிடமே தந்து விட்டார்.அவர் மறைந்தார் என்பதை என்னால் இன்னும் நம்ப முடியவில்லை. அவர் ஆன்மா சாந்தியடைய வேண்டும் என்று பிரார்த்திக்கிறேன்.இவ்வாறு அவர் கூறினார்.
Thanks : dinamalar

அப்துல் கலாம் பற்றி 50 தகவல்கள்

அப்துல் கலாம் பற்றி 50 தகவல்கள்
1. தாய்மொழியான தமிழ் வழியில் கல்வி பயின்று, அறிவியல் துறையில் உலக சாதனைகள் செய்தவர் அப்துல் கலாம்.
2. இந்திய ஜனாதிபதிகளில் மிக, மிக எளிமையாக இருந்தவர் இவர் ஒருவரே. ஜனாதிபதி மாளிகையில் சைவ உணவுகள் மட்டுமே சாப்பிட்ட ஒரே ஜனாதிபதி இவர்தான்.
3. நாடெங்கும் பட்டி தொட்டிகளில் படிக்கும் மாணவ – மாணவிகளிடம் கூட நாட்டின் மீது தேசப்பற்று ஏற்பட செய்தவர். ஒரு அரசாங்கம் செய்ய வேண்டிய பணியை ‘‘மாணவர்களே கனவு காணுங்கள்’’ என்று சொல்லி மாணவர்கள் மத்தியில் புரட்சியை ஏற்படுத்தியவர்.
4. நாட்டுக்கு சேவை செய்ய வேண்டும் என்பதற்காக பெருந்தலைவர் காமராஜர் திருமணம் செய்து கொள்ள மறுத்தார். அதுபோல திருமணம் செய்தால் அறிவியல் வளர்ச்சிப் பணிகளில் முழுமையாக ஈடுபட முடியாது என்று திருமணம் செய்ய மறுத்தார் அப்துல் கலாம்.
5. இவரது வாழ்க்கையின் ஒவ்வொரு வினாடியும் காந்திய கொள்கைகளை பிரதிபலித்தது.
6. மாணவ, மாணவிகளைப் பார்த்ததும் அவர் பூரித்துப் போவார். அவர்கள் அருகில் சென்று பேசாமல் இருக்க மாட்டார்.
7. ஜனாதிபதியாக இருப்பவர்கள் இப்படித்தான் இருக்க வேண்டும் என்று எழுதப்படாத சில மரபுகள் இருந்தன. பதவியேற்ற முதல் நாளே அந்த மரபுகளை உடைத்தவர் அப்துல் கலாம்.
8. ‘‘அக்னிச் சிறகுகள்’’ எனும் நூல் அப்துல் கலாமின் சுய சரிதையாக வெளி வந்துள்ளது.
9. அப்துல் கலாம் நிறைய கவிதைகள் எழுதியுள்ளார். அந்த கவிதைகளின் வரிகள் ஒவ்வொன்றும் வாழ்க்கைக்கு வழிகாட்டும் வார்த்தைகளாக உள்ளன.
10. அப்துல் கலாம் தன்னடகத்தின் உச்சமாக திகழ்ந்தவர். அவரைப் போன்று பணிவான மனிதர்களை காண்பது அரிது என்று உலக தலைவர்களே வியந்துள்ளனர்.
11. நான் என்ற அகந்தை எண்ணம் அவரிடம் துளி அளவு கூட இருந்ததில்லை. சிறு வயது முதல் வாழ்நாளின் இறுதி வரை அமைதியானவர், அன்பானவர் என்ற பாதையில் இருந்து அவர் விலகாமலே இருந்தார்.
12. ‘‘நான் யார் தெரியுமா’’ என்ற ரீதியில் அவர் ஒரு நாள் கூட செயல்பட்டதில்லை. ஒரு தடவை அவர் வெளிநாடு சென்றிருந்த போது விமான நிலைய அதிகாரிகள் அவர் அணிந்திருந்த கால் ஷூ–வை அகற்றி சோதித்த போது, சிரித்துக் கொண்டே முழு ஒத்துழைப்புக் கொடுத்தார்.
13. எந்த ஒரு இடத்திலும் தன்னை முன்னிலைப்படுத்தி பரபரப்பு ஏற்படுவதை அவர் ஒரு போதும் விரும்பமாட்டார். ஜனாதிபதியாக இருந்த போது ஒரு நாள் டெல்லி ஜும்மா மசூதிக்கு தொழ சென்ற அவர் இடம் நெருக்கடி காரணமாக கடைசி வரிசையில் கூட்டத்தோடு கூட்டமாக நின்று இறைவனை தொழுதது குறிப்பிடத்தக்கது.
14. எந்த அளவுக்கு அவர் தன்னடக்கம் கொண்டிருந்தாரோ, அதே அளவுக்கு அவர் தன்னம்பிக்கையிலும் உச்சத்தில் இருந்தார். ‘‘நீ முயன்றால் நட்சத்திரங்களையும் பறிக்கலாம்’’ என்று அடிக்கடி கூறுவார்.
15. இந்திய அரசியல்வாதிகளிடம் இவர் அடிக்கடி உதிர்த்த வார்த்தை – ‘‘தொழில் நுட்பத்தில் கவனம் செலுத்துங்கள். அது தான் நம் மக்களின் வாழ்க்கைத் தரத்தை உயர்த்தும்’’
16. உலகத் தலைவர்களில் அப்துல் கலாம் அளவுக்கு இளைய சமுதாயம் எழுப்பிய கேள்விகளுக்கு இதுவரை யாருமே உன்னதமான பதில்களை அளித்ததில்லை.
17. அப்துல் கலாமிடம் ஒரு தடவை ஒரு மாணவி ‘‘நல்ல நாள், கெட்ட நாள் எது?’’ என்று கேட்டாள். அதற்கு அப்துல் கலாம், ‘‘பூமி மீது சூரிய ஒளிபட்டால் அது பகல். படா விட்டால் இரவு. இதில் நல்லது கெட்டது என்று எதுவும் இல்லை’’ என்றார்.
18. அப்துல் கலாம் மிகப்பெரிய உறவு, நட்பு வட்டாரத்தைக் கொண்டவர். ஆனால் தனது அதிகாரத்தை தவறாக பயன்படுத்தி அவர் யார் ஒருவருக்கும், எதற்கும் சிபாரிசு செய்ததே இல்லை.
19. ஜனாதிபதியாக பதவி வகித்த காலத்தில் கூட, அந்த மாத சம்பளத்தை வாங்கி அதில் ஒரு பகுதியை தன் குடும்பத்துக்கு அனுப்புவதை அப்துல் கலாம் வழக்கத்தில் வைத்திருந்தார்.
20. அப்துல் கலாமின் நெருங்கிய உறவினர்கள் எல்லாம் இன்றும் நடுத்தர வர்க்க வாசிகளாகவே உள்ளனர். அப்துல் கலாமின் கறை படாத நேர்மைக்கு இது ஒன்றே சிறந்த எடுத்துக்காட்டு.
21. அப்துல் கலாம் எந்த ஒரு காலக்கட்டத்திலும், எந்த ஒரு பதவியையும் எதிர்பார்க்காதவர். ஜனாதிபதி வேட்பாளராக அவர் பெயர் அறிவிக்கப்படுவதற்கு சற்று முன்பு வரை அவர் தன் விரிவுரையாளர் பணியில் சுறுசுறுப்பாக இருந்தார்.
22. அப்துல் கலாம் இளம் வயதில் விமானி ஆக வேண்டும் என்று ஆசைப்பாட்டார். அது கிடைக்காததால் பாதுகாப்புத்துறை தொழில் நுட்ப படிப்பைத் தேர்வு செய்தார்.
23. அனைத்து வளங்களும் நிறைந்த இந்தியா 2020–ம் ஆண்டில் உலகின் வளர்ந்த 5 நாடுகளில் ஒன்றாக திகழும் என்று பல ஆண்டுகளுக்கு முன்பே சொல்லி இந்தியர்களிடம் உற்சாகத்தை ஏற்படுத்தினார்.
24. திருச்சி செயிண்ட் ஜோசப் கல்லூரியில் 1954–ம் ஆண்டு பி.எஸ்.சி படித்த அப்துல் கலாம் அந்த பட்டத்தை வாங்காமல் விட்டு விட்டார். 48 ஆண்டுகளுக்கு பிறகு அதை கேட்டுப் பெற்றார்.
25. யாழ்ப்பாணத்தை சேர்ந்த கனகசுந்தரம் என்ற சன்னியாசியிடம் அப்துல் கலாம் ஆங்கிலம் கற்றுக் கொண்டார்.
26. ராமேசுவரம் மாவட்ட கல்விக் கழக பள்ளி அறிவியல் ஆசிரியர் சிதம்பரம் சுப்பிரமணியத்திடம் இருந்துதான் அறிவியல் ஆர்வத்தை கலாம் பெற்றார்.
27. அப்துல் கலாமின் நீண்ட நாள் காலை உணவு ஒரே ஒரு ஆப்பம். ஒரு தம்ளர் பால். வேறு எதையும் சாப்பிட மாட்டார்.
28. அப்துல் கலாமிடம் ஒரு பழமையான வீணை உண்டு. எப்போதாவது நேரம் கிடைத்தால் அந்த வீணையை வாசிப்பார்.
29. சிறு வயதில் கிணற்றுக்குள் கலாம் கல்லைத் தூக்கிப் போட்டார். அதில் இருந்து குமிழ், குமிழாக வந்தது. அது ஏன் வருகிறது என்று அப்துல் கலாம் கேட்டார். அவர் கேட்ட முதல் அறிவியல் கேள்வி இது தான்.
30. ராமேஸ்வரத்தில் உள்ள லட்சுமணத் தீர்த்தத்தில் தை மாதம் விழா நடத்தும் போது அப்துல் கலாம் குடும்பத்தினருக்கு ‘‘சந்தனப்பாடி’’ என்று ஒரு மரியாதை கொடுத்தனர். அந்த அளவுக்கு அப்துல் கலாம் குடும்பத்தினருக்கும் இந்துக்களுக்கும் நெருக்கம் இருந்தது.
31. அப்துல் கலாமுக்கு மிகுந்த இசை ஞானம் உண்டு. தியாகராஜ கீர்த்தனைகளில் சில கிருதிகளை அவர் தெரிந்து வைத்திருந்தார்.
32. 1950–களில் திருச்சி ஜோசப் கல்லூரியில் படித்த போது அசைவம் சாப்பிட்டால் அதிகம் செலவாகிறது என்று அசைவம் சாப்பிடுவதை நிறுத்தினார். பிறகு அதுவே நிரந்தரமாகிப் போனது.
33. 1998–ம் ஆண்டு மே மாதம் 11–ந் தேதி பொக்ரானில் இந்தியா அணுகுண்டு சோதனை நடத்தி உலக அரங்கில் தன்னை வல்லரசாக அறிவித்தது. இதற்கு அடித்தளம் அமைத்தவர் அப்துல் கலாம்தான்.
34. 1958–ல் மத்திய அரசின் பாதுகாப்புத் துறையில் அப்துல்கலாம் வேலைக்கு சேர்ந்த போது அவருக்கு மாத சம்பளமாக ரூ.250 வழங்கப்பட்டது.
35. இந்திய ராணுவத்தில் உள்ள திரிசூல், அக்னி, பிருத்வி, நாக், ஆகாஷ் அகிய ஏவுகணைகள் அப்துல் கலாம் திட்ட இயக்குனராக இருந்த போது வடிவமைக்கப்பட்டு வந்தவையாகும்.
36. இந்தியாவுக்காக இவர் கண்டம் விட்டு கண்டம் பாயும் ஏவுகணையை உருவாக்கிய போது அமெரிக்கா உள்பட பல நாடுகள் இவரை ஆச்சரியத்துடனும், மிரட்சியுடனும் பார்த்தன.
37. போலியோ நோயாளிகளுக்கான எடை குறைந்த ஊன்றுகோல் மற்றும் இருதய நோயாளிகளுக்கான எடை குறைந்த ஸ்டெண்ட் கருவி ஆகியவை இவர் கண்டு பிடித்தவையாகும். அந்த ஸ்டெண்டுக்கு ‘‘கலாம் ஸ்டெண்டு’’ என்றே பெயராகும்.
38. தமிழ் இலக்கியங்கள் அனைத்தையும் அப்துல் கலாம் படித்துள்ளார். குறிப்பாக திருக்குறளை கரைத்து குடித்திருந்தார் என்றே சொல்லலாம்.
39. இவர் எழுதிய ‘‘எனது பயணம்’’ என்ற கவிதை நூல் ஆங்கிலத்தில் மொழி மாற்றம் செய்யப்பட்டுள்ளது.
40. எப்போதும் சுறுசுறுப்பாக இருப்பது இவரது பழக்கம். ஒரு நாளைக்கு 18 மணி நேரம் கூட உழைப்பதற்கு தயங்க மாட்டார்.
41. குடிப்பழக்கம், ஊழல், வரதட்சணை போன்ற 5 தீய பழக்கங்களை கைவிட நாம் ஒவ்வொருவரும் சபதம் எடுத்துக் கொள்ள வேண்டும் என்று டெல்லி காந்தி சமாதியில் எழுதி வைக்க அப்துல் கலாம் அறிவுறுத்தி அதை அமல்படுத்தினார்.
42. இந்திய பாதுகாப்புத்துறையின் ஆய்வுக்கு முதலில் வெளிநாட்டு கருவிகள், பொருட்கள் பயன்படுத்தப்பட்டன. அவற்றை நிறுத்தி விட்டு முழுக்க, முழுக்க உள்நாட்டு பொருட்கள் மூலம் ஆய்வு பணிகளை அப்துல் கலாம் செய்ய வைத்தார்.
43. அப்துல் கலாம் ஒரு போதும் நன்றி மறக்காதவர். தனது ஆசிரியர்கள், நண்பர்கள், உதவி செய்தவர்கள் என அனைவரையும் அடிக்கடி நினைவுப்படுத்தி பேசுவார்.
44. அப்துல் கலாமிடம் நகைச்சுவை உணர்வு அதிகம் உண்டு. நெருக்கடியான சமயங்களில் கூட அவர் நகைக்சுவையை வெளிப்படுத்த தயங்கியதில்லை.
45. இளைஞர்கள் ஒழுக்கமாக இருக்க வேண்டும் என்று அப்துல் கலாம் மிகவும் விரும்பினார். ஒரு தடவை மைசூரில் நடந்த விழாவில் அவர் பேசுகையில், ‘‘இந்தியாவில் உள்ள ஒவ்வொரு இளைஞனுக்கும் கட்டாயம் 2 ஆண்டுகள் ராணுவ பயிற்சி அளிக்க வேண்டும்’’ என்றார்.
46. பணம், வயது, சாதி, இனம், மதம், மொழி என்பன போன்றவற்றில் கலாம் வேறுபாடு பார்த்ததே இல்லை. இந்த அரிய குணத்தை அவர் தம் தந்தையிடம் இருந்து பழக்கத்தில் பெற்றார்.
47. அப்துல் கலாம் தினமும் திருக்குரான் படிக்கத் தவறியதில்லை. அதில் அவருக்கு பிடித்த வரிகள் எவை தெரியுமா?. ‘‘இறைவா! உன்னையே நாங்கள் வணங்குகிறோம். உன்னிடமே நாங்கள் உதவியும் தேடுகிறோம்’’ எனும் வரிகளாகும்.
இந்த வரிகள், என்னுடைய எல்லா சோதனை நாட்களிலும் என்னை கரை சேர்த்த வைர வரிகள் என்று அப்துல் கலாம் குறிப்பிட்டுள்ளார்.
48. சென்னை மூர் மார்க்கெட்டில் உள்ள ஒரு பழைய புத்தகக் கடைகளில் 1950–களில் அப்துல் கலாம், ‘‘த லைட் பிரம் மெனி லேம்பஸ்’’ என்ற புத்தகத்தை வாங்கினார். கடந்த 60 ஆண்டுக்கும் மேலாக அதை அவர் பொக்கிஷமாக வைத்திருந்தார்.
49. அறிவியல் தொழில் நுட்பத்துக்கு மிகவும் உதவும் பெரிலியம் தாது பொருளை வெளிநாடுகள் இந்தியாவுக்கு தர மறுத்தன. உடனே இதுபற்றி கலாம் ஆய்வு செய்தார். இந்தியாவின் பல பகுதிகளில் பெரிலியம் மண்ணில் அதிக அளவில் கலந்து இருப்பதை கண்டுபிடித்தார்.
இதைத் தொடர்ந்து பெரிலியம் மணல் கலவையை வெளிநாடுகளுக்கு ஏற்றுமதி செய்வதை தடுத்தார். இதனால் அதிர்ச்சி அடைந்த உலக நாடுகள் பிறகு போட்டி போட்டு இந்தியாவுக்கு பெரிலியம் கொடுத்தன.
50. ஒரு தடவை காந்தி சமாதிக்கு சென்ற அப்துல் கலாம், ‘‘காந்தியின் வாழ்க்கை அனுபவங்களை குழந்தைகளிடம் பரப்ப நான் சபதம் ஏற்கிறேன் என்று குறிப்பு எழுதினார். அதன்படி ஜனாதிபதி பதவி காலம் முடிந்த பிறகும் பள்ளி, கல்லூரிகளுக்கு சென்று பேசிவந்தார். நேற்று அவர் கடைசி மூச்சும், இந்த பணியில்தான் நிறைவுற்றது ,,..
நன்றி மோகன்தாஸ் சாமுவேல்

Jun 2, 2015

ஒரே ட்ரேயில் சிம் மற்றும் மெமரி கார்டு கொண்ட புதிய ஸ்மார்ட்போன் வெளியானது


சீன ஸ்மார்ட்போன் நிறுவனமான மெய்சூ எம்2 நோட் என்ற புதிய கருவியை வெளியிட்டது. புதிய எம்2 நோட் ஃபேப்ளெட் தற்சமயம் சீனாவில் மட்டும் வெளியிடப்பட்டுள்ளது. மற்ற நாடுகளின் வெளியீடு மற்றும் விலை குறித்த செய்திகள் இன்னும் வெளியிடப்படவில்லை.

மெய்சூ நிறுவனத்தின் புதிய கருவியில் சிம் கார்டு மற்றும் மெமரி கார்டு என இரண்டையும் ஒரு ட்ரேயில் வைக்கப்பட்டுள்ளது புதுவித வடிவமைப்பாக இருக்கின்றது. சிறப்பமசங்களை பொருத்த வரை 5.5 இன்ச் ஷார்ப் IGZO ஐபிஎஸ் எல்சிடி டிஸ்ப்ளே 1080*1920 ரெசல்யூஷன் கொண்டிருக்கின்றது.

இயங்குதளத்தினை பொருத்த வரை ஆண்ட்ராய்டு லாலிபாப் 5.0 கொண்டிருப்பதோடு 13 எம்பி ப்ரைமரி கேமரா மற்றும் 5 எம்பி முன்பக்க கேமரா வழங்கப்பட்டிருப்பதோடு 3100 எம்ஏஎஹ் பேட்டரி கொண்டு சக்தியூட்டப்படுகின்றது. மெமரியை பொருத்த வரை 16ஜிபி மற்றும் 32ஜிபி இன்டர்னல் மெமரியும் இரண்டையும் கூடுதலாக நீட்டிக்கும் மெமரி ஸ்லாட்கள் வழங்கப்பட்டுள்ளது.